Elbasy atyna qazaqstandyqtardan Parlament Májilisi men máslıhattar saılaýynda basym daýysqa ıe bolǵan «Nur Otan» HDP jeńisimen quttyqtaǵan hattar kelip jatyr
ASTAA. 24 qańtar. QazAqparat - Memleket basshysynyń atyna qazaqstandyqtardan elimizde ótken Parlament Májilisi men máslıhattar saılaýynda saılaýshylardyń basym daýysyna ıe bolǵan «Nur Otan» HDP jeńisimen quttyqtaǵan hattar legi tolassyz aǵylýda.
Bul jaıly QR Prezıdentiniń baspasóz qyzmeti habarlady.
Q. Sátbaev atyndaǵy Qazaq ulttyq tehnıkalyq ýnıversıtetiniń bir top ǵalymdary joldaǵan hatta «Nur Otan» partııasynyń elimizdi odan ári órkendetýge, turaqtylyqty nyǵaıtýǵa jáne halyqtyń ál-aýqatyn arttyrýǵa baǵyttalǵan saıasatyn tolyq qoldaıtyny, Elbasynyń danalyǵy Qazaqstandy tabysty jáne gúldengen memleket deńgeıine jetkizgeni atap ótilgen. Bul hatqa akademıkter Q.Ádilov, M.Bákenov, Sh.Baıysbekov, G.Joltaev, D.Kishibekov, Q.Muqanov, Ǵ.Nysanbaı, B.Raqyshev, U.Sydyqov, E.Túrkebaev jáne ýnıversıtet rektory J. Ádilov qol qoıǵan.
Sonymen qatar, V.Avvakýmov, Q.Baımoldın, S.Bekbolatov, A.Gýlın, M.Jıenbaeva, Ǵ.Jumatov, V.Denısenko, N.Zaprýdneva, Á.Igembaev, R.Igibaeva, Q.Qarjasov, M.Manap, G.Nurahmetova, E.Tilegenov, N.Shafer, G.Shestopalovalar qol qoıǵan Pavlodar oblysynyń shyǵarmashylyq qaýym ókilderinen kelgen ujymdyq hatta: «Siz júrgizip otyrǵan saıasatty úlken jaýapkershilikpen qabyldaımyz. Siz bastaǵan memleketimizdiń joly - búgingi jarqyn ómirimiz, kemel bolashaqqa degen senimimiz, qazaqstandyqtardyń birligi men tutastyǵy, azamattardyń ıgiligi, qýatty jáne gúldengen Qazaqstan!» delingen. Al Pavlodar qalasynyń turǵyny A.Alaqanuly Elbasyn «Nur Otan» HDP-nyń parlamenttik saılaýdaǵy jeńisimen quttyqtaı kelip, izgi tilegin: «Eńsesin eldiń kóterip, Ýattyń jurtty jylaǵan. Álemge eldi tanytqan, Bata alǵan dúıim halyqtan, Jasaı ber, jasa Nuraǵam!», - degen jyr joldary arqyly jetkizedi.
