Elbasy Astananyń «jasyl beldeýin» damytqan ǵalymdarǵa alǵys aıtty
«Jyl saıyn Astana kúni qarsańynda qalanyń tóńiregindegi jasyl-jelekti aralaıtynymdy bilesizder. Ótken jyldarda elordanyń batys bóligindegi ormandy alqaptardy damytý qarqynyn qaraıtynbyz, al bıyl shyǵys jaǵyna kelip otyrmyz. Bul jerlerdegi ormannyń ortasyna qaraǵaı men qaıyńdy otyrǵyzamyz dep josparlaǵan edik, endi búginde osy aǵashtardyń barlyǵy jaıqalyp ósip tur»,-dep toqtaldy Memleket basshysy.
Osy oraıda Prezıdent Astananyń mańyn jasyl-jelekpen tolyqtyrý úshin 1998 jyldan beri ormannyń aýmaǵyn keńeıtý jumystary qarqyndy júrgizilip jatqanyn, bul jerde aǵash otyrǵyzý ońaı bolmasa da, ormanshylar aýqymdy jumystardy atqarǵanyn atap ótti.
«Elordanyń tóńireginde 80 myń gektar ormandy alqap bar. Alǵa qoıylǵan maqsat aıasynda 2020 jylǵa deıin 100 myń gektarǵa jetkiziledi. Sondyqtan ormanshylar men ǵalymdarǵa rızashylyǵymdy bildirgim keledi. Olar osyny jasaý úshin qyrýar jumys istedi. Endi turǵyndar bul ormannyń ishinde serýendep, demalatyn bolady. Túrli ańdar men qustardy jiberip jatyrmyz, jemis-jıdek ósimdikteri otyrǵyzylýda»,-dedi Nursultan Nazarbaev.
«Jasyl beldeýde» 2020 jylǵa deıin úsh negizgi baǵyt boıynsha jumys júrgizý josparlanýda. Birinshi, ormandy alqapta egý jumystaryn jalǵastyrý. Ekinshi baǵyt - qala aýmaǵyndaǵy bos jerlerde orman alqaptaryn jasaý.
Elordanyń jasyl beldeýin damytý úshin rekreatsııalyq aýmaqtardy jasaý kózdelgen, bul atalǵan jumystyń úshinshi baǵyty bolyp tabylady.