Elbasy Astananyń qurylysyna kelgende shyǵarmashylyq izdenisterge eshqashan qatań shekteýler qoımaǵan - I. Tasmaǵambetov
ASTANA. Mamyrdyń 25-i. QazAqparat /Jasulan Amanbaıuly/ - Elbasy Nursultan Nazarbaev Astana qalasynyń qurylysyna kelgende shyǵarmashylyq izdenisterge eshqashan qatań shekteýler qoımaǵan. Búgin, mamyrdyń 25-i kúni bastalǵan Túrki álemi sáýletshileri men qala qurylysshylarynyń ІІІ-shi quryltaıynda Astana ákimi Imanǵalı Tasmaǵambetov osylaı atap kórsetti,
dep habarlaıdy QazAqparat.
«Astana - sáýlet óneriniń sońǵy sheshimderi jınaqtalǵan Qazaqstan Prezıdenti Nursultan Nazarbaevtiń jobasy. Bul qalada aýqymdy eksperımentaldy jáne ınnovatsııalyq múmkindikter toǵysqan. Onyń qalalyq landshaftynda álemdik ataqqa ıe sáýletshilerdiń kreatıvti jobalary kórinis taýyp otyr. Bunyń bári Elbasy Nursultan Nazarbaevtiń Astana qalasynyń qurylysyna kelgende shyǵarmashylyq izdenisterge eshqashan qatań shekteýler qoımaǵandyǵynan», dep atap kórsetti qala basshysy.
Onyń aıtýynsha, sondyqtan da qala sáýlettik ıdeıalardyń keń órisimen erekshelenedi.
