Elbasy Astananyń 17 jyldyǵyn merekeleýdi resmı túrde jarııalaıdy
ASTANA. QazAqparat - Búgin Elbasy Nursultan Nazarbaev Astanada jyl saıynǵy dástúr boıynsha «Atameken» etno-memorıaldy keshen alańynda Memlekettik tý kóterý saltanatty sharasyna qatysady.
Osy arqyly Astananyń 17 jyldyǵyn merekeleý resmı túrde bastalady. Atap aıtqanda, Memlekettik kúzet qyzmeti úrmeli aspaptar orkestriniń súımeldeýimen Memlekettik týdy ákeledi. Saltanatty shara aıasynda QR Prezıdenti, QR Qarýly Kúshteriniń Joǵarǵy Bas qolbasshysy Nursultan Nazarbaev elimizdiń joǵary áskerı oqý oryndarynyń túlekterine ofıtserlik pogon tabystaıdy dep kútilýde.
ıAǵnı, QR Qorǵanys mınıstrligi Qurlyq áskeri ınstıtýtynyń, QR Ulttyq Ulany áskerı ınstıtýtynyń, QR Ulttyq qaýipsizdik komıteti Áskerı ınstıtýtynyń on eki túlegi Elbasynyń qolynan pogon alady. Saltanatty shara barysynda patrıottyq kompozıtsııalar men áskerı marsh oryndalady.
