Elbasy Astanadaǵy «Qazaqstan» sport saraıynyń mańynda jańadan salynǵan «Barys» sport kesheninde boldy
ANA. 13 jeltoqsan. QazAqparat /Rýslan Ǵabbasov/ - Búgin Elbasy Nursultan Nazarbaev qysqy Azıada qarsańynda elordadaǵy nysandardyń daıyndyǵymen tanysty. Osyǵan baılanysty Memleket basshysy «Qazaqstan» sport saraıynyń mańynda jańadan turǵyzylǵan «Barys» sport kesheninde boldy.
Atalǵan sport kesheninde hokkeıshilerdiń úlken alańǵa shyǵar aldynda daıyndalýǵa arnalǵan muz aıdyny quıylǵan jáne osynda kórermenderge arnalǵan 1 myń oryn jasaqtalǵan. Sonymen qatar onda sportshylarǵa qajetti basqa da qajetti qurylymdar jabdyqtalǵan. Atap aıtqanda «Qazaqstan» sport saraıy Azıada kezinde hokkeı saıystaryn ótkizedi. Osyǵan baılanysty bıyl bul nysanda qaıta jóndeý jumystary júrgizilip, qosymsha qurylymdardyń qurylystary iske asyryldy.
Aıta keteıik, VII qysqy Azııa oıyndary Qazaqstanda 2011 jyldyń 30 qańtar men 6 aqpan aralyǵynda Astana jáne Almaty qalalarynda ótedi. Atalǵan sharanyń baǵdarlamasyna sáıkes qatysýshylar 11 sport túrinen saıysqa túsedi. Barlyǵy 69 medal komplektisi sarapqa túspek. Sonymen qatar Azıada aıasynda 4 myńǵa jýyq sportshylar men qonaqtar keledi dep kútilýde. Onyń ishinde Astanadaǵy saıystarda 1 130 sportshy baqtaryn synamaq.
