Elbasy Astanada Qazaqstan men Ózbekstan komandalary arasyndaǵy Devıs Kýbogynyń pleı-off matchyn tamashalady

Osy kúni el Prezıdenti Nursultan Nazarbaev tennısshilerimizge qoldaý kórsetý úshin «Dáýlet» keshenine arnaıy keldi. Bul týraly «Egemen Qazaqstan» gazeti búgin shyqqan sanynda «Senim aqtaldy, jospar oryndaldy» atty maqalasynda jazdy.  

Bul jarysta elıtalyq topta qalý úshin Ózbekstan quramasymen kezdesip, qarsylastarynan 3:1 esebimen basym túsken otandastarymyz fınaldyq kezeńge joldama aldy. Sóıtip, Qazaqstan quramasy álemdegi úzdik 16 qurama sapyna endi.

Saıystyń shymyldyǵyn Evgenıı Korolev pen Sergeı Istomın ózara ashty. ATR reıtıngisindegi tizimge kóz júgirtsek, bizdiń Korolev - 259, al Istomın - 34-orynǵa jaıǵasqan. Degenmen, reıtıngtegi alshaqtyqqa qaramas­tan, kezdesý óte tartysty ótti. Bi­rinshi bolyp iske kirisken ózbek tennısshisi júrgen júrisinen ja­ńyl­­mady. Buǵan deıin sońǵy úsh jyl­da Korolevten eki márte je­ńilgen Istomın qatty ashynsa kerek, tipti, alǵashqy kezeńde qar­qyny óte kúshti bolyp, qarsy­la­sy­nan 6:3 esebimen basym túsken-di.

Biraq, Korolev ońaı shaǵylar jań­­ǵaq emes ekenin baıqatyp, ekinshi kezeńde esepti teńestirdi. Osy­laısha, 3 saǵat 14 mınýtqa so­zylǵan básekede 3:2 esebi tirkeldi. Bul joly jeńis bizdiń paıdamyzda emes. Istomın birinshi, úshinshi jáne besinshi kezeńde jeńiske je­tip, Ózbekstan quramasyna al­ǵash­qy upaıdy alyp berdi. Osy kezdesýde Korolev 64 ret qatelikke boı aldyrsa, Istomın 55 márte kerek emes ádister jasady.

Jankúıerler kóńilin kúpti etken birinshi kezdesýden keıin, Qazaqstan namysyn qorǵaǵan Mıhaıl Kýkýshkınge Farrýh Dýstov qarsy oınady. Birden aıtaıyq, bizdiń tennısshi 3:1 esebimen je­ńiske jetip, birinshi kúnniń qory­tyndysy boıynsha esepti teńes­tirdi. Alaıda, tablodaǵy kórset­kishke qarap, jeńis Kýkýshkınge ońaı keldi dep aıtýǵa aýyz barmaıdy. Sebebi, Dýstov alǵashqy eki sette jeńilgenine qaramastan, úshinshi kezeńde aılasyn asyryp ketti. Tipti, tórtinshi aınalymda da kezdesýdi taı-breıkke deıin jet­kiz­di. Degenmen, ATR reıtın­gi­sin­de 70-orynǵa jaıǵasqan Ký­kýsh­kın tizimde 308-orynda júr­gen Dýs­tovtan 6:2, 6:4, 3:6, 7:6 ese­bi­men basym túsip, 2 saǵat 52 mı­nýtqa sozylǵan básekege núkte qoıdy. Osylaısha, jarystyń al­ǵashqy kúni jalpy eseptegi tarazy basy teńesti.

Jarystyń ekinshi kúni jup­ta­syp óner kórsetýde Andreı Golýbev pen ıÝrıı Şýkın Denıs Istomın men Farrýh Dýstovqa qar­sy kortqa shyqty. Óz sportshylaryn qoldaýǵa, tipti, velosporttan London Olımpıadasynyń chempıony Aleksandr Vınokýrov pen tennısten «Úlken shlem» týrnı­riniń juptasyp óner kórsetýden eki dúrkin jeńimpazy ıAroslava Shve­dova da keldi. Jankúıer­ler­diń úlken qoldaýyna ıe bolǵan jer­lesterimiz birden keremet    oıyn kórsete alǵan joq. Óıtkeni, bul kúni ózbekstandyqtar á de­gennen-aq alǵashqy eki kezeńdi óz paıdasyna sheshe aldy. Osylaı jalǵasa berer dep oılaǵan bolý kerek, ózbek sportshylary sál syl­byrlyq tanytqan edi, tez esin jıyp úlgergen Golýbev/Şýkın tan­demi qatarynan bes geımde jeńiske jetip, jınalǵan jan­kúıer­lerdiń qoshemetine bólendi. Uzaq ári aýyr bolǵan birinshi aınalymdy bizdiń jigitter 7:6 esebimen óz paıdalaryna sheshti.

Qazaqstandyqtardyń óz jerin­degi senimdiligi qarsylas­taryn eseń­giretip tastasa kerek, ózbek sportshylary ekinshi kezeńde tip­ten óz deńgeıinde óner kórsete almady. Ózbekstannyń maqtanyshy Denıs Istomın kezdesý barysynda qanshalyqty tyrysyp baq­qa­ny­men, kóp jospary oryndalmady. Sonyń saldarynan 3:6 ese­bimen jeńilýge májbúr boldy. Jarystyń ekinshi kúni qarsy­las­taryn 2:0 esebimen utyp jatqan qazaqstandyqtar úshinshi aınalymda da aıanyp qalmady. Nátı­jesinde, 2 saǵat 24 mınýtqa so­zylǵan teketireste ırandyq tóre­shi Alı Katebı 7:6, 6:3, 6:4 ese­bimen jerlesterimizdiń je­ńis­ke jet­kenin habarlady.

Jarystyń úshinshi kúninde bir­neshe sportty janyna serik etken el Prezıdenti Nursultan Nazar­baevtyń ózi tennıs­shileri­mizge qoldaý bildirýge «Dáýlet» sport keshenine arnaıy atbasyn burdy. Jaýapkershiligi odan saıyn art­qan bul kezdesýde Mıhaıl Kýkýshkın ózbek­stan­dyq Denıs Istomınge esh múm­kindik bermeı, 3 saǵat 4 mı­nýtqa so­zyl­ǵan saıys­ta 6:4, 6:2, 6:7, 6:2 ese­bi­men utyp, Qazaq­stanǵa jeńis syılady.

Al Evgenıı Korolev pen Farrýh Dýstov arasyndaǵy besinshi kezdesý sońǵysynyń kortqa shy­ǵý­dan bas tartýymen aıaqtaldy. Sebebi, jalpy esep - 3:1, Qa­zaq­stannyń paıdasynda edi. Osylaısha, Qazaqstan quramasy óziniń álem­dik elıtadaǵy toǵyzynshy ornyn saqtap qaldy. Al 21-sa­ty­ǵa jaıǵasqan Ózbekstan quramasy myqtylar qataryna qosylý úshin osymen ekinshi ret óz múmkindigin ýysynan shyǵaryp aldy. Es­terińiz­ge sala keteıik, ózbek aǵaı­yndar ótken jyly Serbııa qura­masyna jol bergen bolatyn.

Jarysty jeńispen aıaqtaǵan Qazaqstan tennısshilerine «Dáý­let» sport keshenine jınal­ǵan jankúıerler oryndarynan turyp qoshemet kórsetti. Iá, jigitter qandaı da marapatqa laıyq boldy. Óıtkeni, qazaq tennısshileri álem­degi óz ornyn, ıaǵnı toǵy­zyn­shy satysyn saqtap qaldy. Endi qurama jigitteri kelesi jyly aqpan aıynda bastalatyn kezekti Devıs Kýbogynda óz qarsylasyn kútetin bolady.