Elbasy Astanada ashyq aspan astynda qoıylǵan Dj. Verdıdiń «Aıda» operasyn tamashalaýda (FOTO)
ASTANA. QazAqparat - Memleket basshysy Nursultan Nazarbaev Astanada ashyq aspan astynda qoıylǵan Djýzeppe Verdıdiń "Aıda" operasyn tamashalaýda.
"Bul spektakldi biz tamasha merekege oraı - Astana kúnine arnap otyrmyz. Ashyq aspan astyndaǵy qoıylym - teatrdaǵy erekshe janr. Onda kóptegen faktorlar eskeriledi: teatr alańynyń aýqymdy aýmaǵy, sahnanyń erekshe ornalasýy, ártisterdiń keń quramy, úlken aýdıtorııa, sonymen birge arnaıy jaryq pen beıneapparatýra", - deıdi teatr basshysy Tóleýbek Álpıev.
Jobaǵa tanymal reseılik ártis ıÝrıı Aleksandrov jetekshilik etýde. ıÝrıı Aleksandrov kezinde Kúlásh Baıseıitova atyndaǵy opera jáne balet teatrynyń jáne jańadan salynǵan "Astana Opera" teatrynyń ashylýynda boldy. Qazaqstanda rejısser birneshe tamasha qoıylymdar jazǵan edi. Sonyń ishinde elordalyq teatrdyń betke ustar qoıylymy - "Birjan-Sara" operasynyń avtory.
Uıymdastyrýshylar qoıylymnyń mysyrlyq atmosferasyn tolyqtaı berýdi josparlaýda. Ol úshin arnaıy kostıýmder men dekoratsııalar qoldanylǵan.
Mysyrlyq atmosferany sezinýge Astanadaǵy "Pıramıda" ǵımaraty da óz úlesin qospaq. Iri-iri dekoratsııalar, aq tulparǵa mingen salt attylar, keremet kostıýmder - barlyǵy astanalyqtar úshin naǵyz syı bolmaq.
Atalǵan qoıylymda Radames partııasyn oryndaý úshin bolgarııalyq tenor Kamen Chanev arnaıy shaqyrtyldy. Bas rólde - tyńdarmandardyń súıiktisi - "Astana Opera" teatrynyń jetekshi solısi Jupar Ǵabdýllına. Spektaklge shamamen 300 adam: solıster, hor, balet, mımans ártisteri qatysady. Bul keshte dırıjerlik tizgin QR Eńbek sińirgen qaıratkeri maestro Abzal Mýhıtdınovte bolady.
