Elbasy «Astana HQO» týraly zańnamany jetildirýge baǵyttalǵan zańǵa qol qoıdy
ASTANA. QazAqparat - Memleket basshysy Nursultan Nazarbaev sot júıesi týraly jáne «Astana halyqaralyq qarjy ortalyǵy týraly zańnamany ári qaraı jetildirýge baǵyttalǵan «Qazaqstan Respýblıkasynyń keıbir konstıtýtsııalyq zańdaryna ózgerister men tolyqtyrýlar engizý týraly» Qazaqstan Respýblıkasynyń Konstıtýtsııalyq zańyna qol qoıdy.
Bul týraly Aqordanyń baspasóz qyzmeti habarlaıdy.
Sondaı-aq, Memleket basshysy Qazaqstan Respýblıkasynyń birqatar zańnamalyq aktilerin sot júıesi týraly jáne «Astana halyqaralyq qarjy ortalyǵy týraly zańnamadaǵy ózgeristerge sáıkes keltirýge baǵyttalǵan «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń Joǵary Sot Keńesiniń jáne «Astana» halyqaralyq qarjy ortalyǵynyń qyzmeti máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańyna qol qoıdy.
Konstıtýtsııalyq zańnyń mátini baspasózde jarııalanady.
