Elbasy «Astana Balet» teatrynyń ashylýyna qatysty
ASTANA. QazAqparat - Memleket basshysy Nursultan Nazarbaev jańa «Astana Balet» teatrynyń ashylýyna oraı bir aktili balet premerasyn tamashalady, dep habarlaıdy Aqordanyń baspasóz qyzmeti.
«Astana Balet» teatrynyń horeografııalyq ujymy Brazılııa horeografy Rıkardo Amaranteniń klassıkalyq mýzykamen árlengen «Diversity» baletiniń premeralyq kórsetilimin usyndy.
Qazaq ulttyq horeografııa akademııasynyń kesheni quramyna kiretin jańa teatr álemdik úzdik úlgilerge saı keledi jáne balet, opera, drama sııaqty kez kelgen shyǵarmashylyq ujymdy qabyldaı alady.
Sahnanyń tehnıkalyq ólshemderi túrli janrdaǵy jáne stılıstıkalyq baǵyttaǵy spektaklder qoıýǵa, kontsertter, mıýzıklder jáne san alýan arnaýly effekt qoldanylatyn shoýlar ótkizýge múmkindik beredi.
