Elbasy Assambleıa jumysyn nasıhattaıyn arnaıy baǵdarlama ázirleýdi tapsyrdy
ASTANA. Qazannyń 20-sy. QazAqparat /Marlan Jıembaı/ - Elbasy Baılanys jáne aqparat mınıstrligine Assambleıa jumysyn nasıhattaıyn arnaıy baǵdarlama ázirleýdi tapsyrdy. Bul tapsyrmany Prezıdent búgin Astanada ótken Qazaqstan halqy Assambleıasynyń HVІ sessııasynda berdi.
«Men Baılanys jáne aqparat mınıstrine jáne Úkimettiń sáıkesinshe basshylaryna buqaralyq aqparat quraldarynda, elektrondyq jáne bizdiń gazetterimizde Qazaqstan halqy assambleıasynyń jumysyna arnalǵan, adamdarǵa jumystaryn kórsetý úshin, tájirıbelerin áńgimeleý, bólisý úshin arnaıy baǵdarlama ázirleýdi tapsyramyn», - dedi Elbasy.
Osydan keıin Assambleıa jumysyn BAQ-tarda jazyp, kórsetý deńgeıiniń tómendigin basa aıtqan Prezıdent: «Bizde tipti keshe, sessııa bastalar aldynda, telearnalarda Assambleıa týraly birde-bir sóz aıtylǵan joq. Demek biz bir nárseni aıtyp otyrmyz, al buny nasıhattaýǵa mindetti adamdar basqasha oılaıtyn sııaqty. Bulaı bolmaıdy», - dedi.
