Elbasy áskerı qyzmetshilerge memlekettik nagradalar tabys etti
«Sizder jaýyngerlik ónegeli úrdisti, babalardyń erlik dástúrin jalǵastyryp, barlyq jeke quram úshin qaltqysyz qyzmettiń úlgisin kórsetip kelesizder. Áskerı daıyndyq deńgeıiniń artýy, áskerdegi jáne quqyq qorǵaý organdaryndaǵy minsiz ahýal sizderdiń basshylyq etý isin saýatty júrgizýlerińizge baılanysty. Kúsh-qýattaryńyz, bilimderińiz ben tájirıbelerińiz qaýipsizdikti qamtamasyz etýge, quqyqtyq tártipti, elimizdiń konstıtýtsııalyq qurylymyn saqtaýǵa baǵyttalýǵa tıis. Sizder qoǵamdaǵy eń jaýapty mıssııany qazaqstandyqtardyń beıbit ómiri men táýelsizdigimizdiń qundylyqtaryn qorǵaý isin júzege asyryp kelesizder», - dedi Elbasy.
Sonymen, І dárejeli «Dańq» ordenimen Soltústik Qazaqstan oblysynyń prokýrory Berik Asylov, Memlekettik kúzet qyzmeti bastyǵynyń orynbasary, Nysandardy qorǵaý qyzmetiniń bastyǵy Muhtar Aıýbaev, Ulttyq ulannyń bas qolbasshysy Rýslan Jaqsylyqov, Qorǵanys mınıstrligi Bas ınspektsııasynyń bastyǵy Qurban Qarajanov, Qorǵanys mınıstriniń birinshi orynbasary, Qarýly Kúshter Bas shtabynyń bastyǵy Murat Maıkeev, ІІ dárejeli «Dańq» ordenimen QR ІІM Ákimshilik polıtsııa komıtetiniń tóraǵasy Igor Lepeha, Qorǵanys mınıstrligi «Batys» óńirlik qolbasshylyǵy áskerleriniń qolbasshysy Dáýlet Ospanov marapattaldy.
Al І dárejeli «Aıbyn» ordeni Ulttyq qaýipsizdik komıtetiniń departament bastyǵynyń birinshi orynbasary Denıs Bartenevke, ІІ dárejeli «Aıbyn» ordeni QR UQK Astana qalalyq departamentiniń basqarma bastyǵynyń orynbasary Іskendir Áýesbaevqa, QR UQK Batys Qazaqstan oblystyq departamentiniń basqarma bastyǵy Temir Ǵızzatovqa, Memlekettik kúzet qyzmetiniń departament bastyǵynyń orynbasary Evgenıı Lavrenıýkke, Qorǵanys mınıstrligi 30212 áskerı bóliminiń komandıri Talǵat Saparbaevqa, Qorǵanys mınıstrligi «Shyǵys» óńirlik qolbasshylyǵy áskerleri qolbasshysynyń birinshi orynbasary, shtab bastyǵy Talǵat Ysmaıylovqa, ІІІ dárejeli «Aıbyn» ordenimen Memlekettik kúzet qyzmetiniń Nysandardy qorǵaý qyzmeti 0112 áskerı bóliminiń rásimdik batolonynyń bólim komandıri Narıman Ahmetýllınge, Qorǵanys mınıstrligi Kadet korpýsynyń serjanty Mırbek Rahymbekovke tabys etildi. 
