Elbasy áriptesterinen keshirim surady
ASTANA. QazAqparat - Búgin QR Tuńǵysh Prezıdenti kitaphanasynda Alǵys aıtý kúnine arnalǵan is-shara barysynda Elbasy Nursultan Nazarbaev tańerteń áriptesterinen keshirim suraǵanyn aıtty.
«Men búgin tańerteń barlyq áriptesterimnen keshirim suradym. Jumys babynda renjip, urysqan bolsam kóńilderińizdi túsirgen bolsam búginnen bastap barlyqtaryńyz keshirip, jańa qarym-qatynasty bastaıyq», - dedi N.Nazarbaev.
Elbasy keshirimdilik januıada, jastardyń arasynda, úlkenderdiń arasynda bolýy kerektigin, onyń úlken kúsh ekendigin basa aıtty.
Aıta keteıik, aǵymdaǵy jyldyń 14 qańtarynda Elbasy N.Nazarbaev 1 naýryzdy Alǵys aıtý kúni dep belgileý týraly Jarlyqqa qol qoıdy.
Sharaǵa Qazaqstan halqy Assambleıasynyń, «Nur Otan» partııasynyń músheleri, etnomádenı birlestikter, ǵylymı jáne shyǵarmashylyq zııaly qaýym ókilderi jáne jastar qatysty.
