Elbasy: AÓSShK-ni Azııadaǵy qaýipsizdik jáne damý uıymy dep transformatsııalaıtyn ýaqyt jetti
TOKIO. QazAqparat - AÓSShK-ni Azııadaǵy qaýipsizdik jáne damý uıymy dep transformatsııalaıtyn ýaqyt jetti. Bul týraly búgin Japonııa Parlamentinde sóz sóılegen QR Prezıdenti Nursultan Nazarbaev aıtty, dep habarlaıdy QazAqparattyń arnaýly tilshisi Tokıodan.
«Qazirgi ýaqytta ıadrolyq qarýdy paıdalaný táýekeli «qyrı-qabaq» soǵys aıaqtalǵan kezeńdegiden joǵary bolyp tur. Álem barynsha qaýipti ári boljap bolmas jańa ıadrolyq ǵasyrǵa syrǵyp barady.21 ǵasyrdyń eń qaýipti problemalarynyń biri - ıadrolyq terrorızm, sonymen qatar ıadrolyq jáne radıoaktıvti materıaldardyń zańsyz aınalymy bolyp otyr. Jahandyq oıynshylar arasyndaǵy senimniń teńdessiz daǵdarysy ıadrolyq qarýdy qoldanýdyń aldyn alý kepilin tómendetedi», - dedi Nazarbaev.
Osy rette Elbasy búgingi kúni osynaý teris trendterdi keri burý úshin búkil álemdik kóshbasshylardyń saıası erik-jigeri qajet ekendigin basa aıtty. Sonymen qatar Memleket basshysy osydan shırek ǵasyr buryn BUU Bas assambleıasy minberinen Azııa qurlyǵyndaǵy ózara is-qımyl jáne senim sharalary keńesin qurýǵa úndeý jasaǵandyǵyn eske saldy. Búginde bul keńes Azııa qurlyǵynyń 90 paıyzyn alyp jatqan 26 memlekettiń basyn qosatyndyǵyn atap ótti.
«Búginde AÓSShK-ni Azııadaǵy qaýipsizdik jáne damý uıymy dep transformatsııalaıtyn ýaqyt jetti», - dedi Qazaqstan Prezıdenti.
