Elbasy Ánuranǵa qatysty Úkimet músheleri men depýtattarǵa eskertý jasady
ASTANA. QazAqparat - Búgin altynshy saılanǵan QR Parlamentiniń ekinshi sessııasy ashyldy. Sessııanyń ashylý barysyna QR Prezıdenti Nursultan Nazarbaev qatysty.
Konstıtýtsııanyń 59-babyna sáıkes, altynshy saılanǵan Parlamenttiń ekinshi sessııasyn QR Prezıdenti ashyq dep jarııalady.
Jańa sessııany ashylýy Qazaqstannyń Ánuranyn oryndaýmen bastaldy. Memleket basshysy Nursultan Nazarbaev Ánurandy ózi de qosylyp, birge shyrqady. Sosyn jańa sessııanyń ashylýyna qatysty sóz sóıleýge kirispes buryn Elbasy qatysyp otyrǵandarǵa eskertý jasady. «Úkimet músheleri, depýtattar Ánuran aıtylǵanda birge aıtyp turǵany jón bolady, jarasady», - dedi N. Nazarbaev.
