Elbasy Almatydaǵy Halyqaralyq shańǵymen tuǵyrdan sekiretin keshende boldy
ALMATY. 15 qarasha. QazAqparat /Elena Ilınskaıa/ - Búgin Almatyǵa jumys saparynyń aıasynda QR Prezıdenti Nursultan Nazarbaev Halyqaralyq shańǵymen tuǵyrdan sekiretin jańa keshende boldy. Qysqy Azıada-2011 aıasyndaǵy saıystar osy sport nysanynda ótetin bolady.
Atalmysh keshen Ál-Farabı dańǵylynyń soltústik bóligindegi Esentaı kóliniń batysynda ornalasqan. Onyń ishinde 5 500 kórermen oryndaryna arnalǵan trbýınasy bar zamanaýı kópfýnktsıonaldy ǵımarat jáne keshenniń batys jaǵyndaǵy 400 orynǵa arnalǵan terrasa bar.
Álem boıynsha osyndaı sport keshenderi saýsaqpen sanarlyqtaı ǵana. Almatydaǵy keshenniń basqa nysandardan aıyrmashylyǵy bıiktigi 125 metr jáne 95 metr bolatyn eki tuǵyr salynǵan. Keshende zamanaýı medıaortalyq ta bar. Sportshylar úshin barlyq jaǵdaı jasalǵan jasalǵan.
Halyqaralyq shańǵymen tuǵyrdan sekiretin keshendi halyqaralyq sarapshylar moıyndap, tehnıkalyq parametrleri, keshen salynǵan sáýleti jáne tabıǵı sharttary boıynsha álemdegi eń úzdik sport keshenderiniń qataryna qosylǵan. Biregeı mekemeni bolashaqta sport turǵysynan ǵana emes, kontsertter men ártúrli shoý-baǵdarlamalar ótkizýge bolatyn mádenı-saýyqtyrý ortalyǵy retinde de paıdaǵa asyrý kózdelgen. Halyqaralyq shańǵy tramplın kesheniniń jalpy alǵandaǵy smetalyq quny 38,2 mlrd. teńgeni quraıdy.
Sondaı-aq búgin Memleket basshysy jaqynda ǵana paıdalanýǵa berilgen Shyǵysalmatylyq aınalma avtojolyn qarap, Qazaq ulttyq agrarlyq ýnıversıteti men Qurmanǵazy atyndaǵy Qazaq ulttyq konservatorııasyna da barady dep kútilýde.
