Elbasy Almatyda ótetin ǵalymdardyń forýmynda ǵylymnyń jańa baǵyttaryn aıqyndaıdy - M.Jurynov
ASTANA. 1 jeltoqsan. QazAqparat - Búgin Elbasy Almatyda Qazaqstan ǵylymynyń jańa baǵyttaryn aıqyndaıdy. Ony Qazaqstan Respýblıkasy Ulttyq ǵylym akademııasynyń prezıdenti Murat Jurynov Almaty Memleket basshysynyń qatysýymen ótetin Qazaqstan ǵalymdary forýmy aldynda aıtty.
Biz Elbasynyń baıandamasyn asa kútip otyrmyz. Onda Qazaqstan ǵylymynyń jańa baǵyttary men ǵylymdy qarjylandyrý jaıy aıtylady. Bul Qazaqstan ǵylymynyń damýyna sózsiz yqpal etedi», - deıdi akademık Murat Jurynov.
Onyń aıtýynsha, bul sharaǵa Qazaqstannyń 500-ge jýyq jetekshi ǵalymdary qatysýda. Talqylanatyn máseleler ǵylymnyń jańa baǵyttary jáne ǵylymdaǵy jetistikter. Eń bastysy, ǵylymı jańalyqtardy óndiriske engizý. Jaqynda ótken «Nur Otan» HDP-nyń kezekten tys sezinde ǵylymǵa bólinetin qarjy 2017 jyly jalpy ishki ónimniń bir paıyzyn quraıtynyn aıtqan edi. Bul aldaǵy 5 jylda ǵylymǵa bólinetin qarjy 4 ese ósetinin ańǵartýda. Qazirgi tańda TMD elderinde Qazaqstannan basqa birde bir memleket ǵylymnyń qarqyndy damýyna qoldaý jasap jatqan joq.
