Elbasy Almaty jáne Pavlodar oblystarynda Arnaıy ekonomıkalyq aımaqtardy qurýdy qoldady - K.Másimov
ANA. 28 jeltoqsan. QazAqparat /Rýslan Ǵabbasov/ - Elbasy Nursultan Nazarbaev Almaty jáne Pavlodar oblystarynda Arnaıy ekonomıkalyq aımaqtardy qurýdy qoldady. Bul týraly búgin selektorlyq rejımde ótken Úkimet otyrysynda Úkimet basshysy Kárim Másimov málim etti.
«Almaty jáne Pavlodar oblystary úshin 2 jańa aımaqty qurýdy Memleket basshysy qoldady», - dep atap ótti Premer-Mınıstr.
Úkimet otyrysy barysynda Pavlodar oblysynyń ákimi Baqytjan Saǵyntaev óńirde Arnaıy ekonomıkalyq aımaqty qurý boıynsha belsendi jumystar atqarylyp jatqandyǵyn jetkizdi. Onyń sózine qaraǵanda, negizgi baǵyt ındýstrııalyq-hımııa salasyna negizdelgen. «Qazirgi kezde germanııalyq basqarýshy kompanııamen jumys jasap jatyrmyz. Jaqyn arada bul saladaǵy sarapshylar keledi dep kútilýde», - dedi oblys ákimi.
