Elbasy Almaty qalasynyń ákimi Baýyrjan Baıbekti qabyldady
ASTANA. QazAqparat - Kezdesýde Baýyrjan Baıbek Memleket basshysyna 2017 jyly Almatyda ótetin 28-shi Dúnıejúzilik qysqy ýnıversıadaǵa daıyndyq barysy týraly baıandady, dep habarlaıdy QazAqparat Aqordanyń baspasóz qyzmetine silteme jasap.
Almaty qalasynyń ákimi ýnıversıadany ótkizýge daıyndyqtyń kestege sáıkes júrip jatqanyn aıtty.
Sondaı-aq, B.Baıbek Qazaqstan Prezıdentine aldaǵy ýnıversıadaǵa álemniń 57 eliniń ókilderi qatysýǵa nıet bildirgenin málimdedi.
Ákimniń aıtýynsha, Halyqaralyq stýdenttik sport federatsııasy Ýnıversıada-2017 stýdenttik oıyndar tarıhyndaǵy eń iri jarys bolýǵa tıis dep boljap otyr.
Budan bólek, Baıbek Nursultan Nazarbaevty Almaty qalasynyń áleýmettik-ekonomıkalyq damýy barysynan habardar etti.
Bıylǵy 9 aıdyń qorytyndysy boıynsha, qalanyń óńirlik jalpy ónim kólemi 2,8%-ǵa artqan, shaǵyn jáne orta bıznesti nesıeleý 35%-ǵa ósip, 20 myńnan astam jańa jumys orny ashylǵan, sondaı-aq qalanyń shaǵyn jáne orta bıznes sýbektileri óniminiń kólemi 30%-ǵa artqan.
Kezdesý qorytyndysy boıynsha Elbasy birqatar naqty tapsyrma berdi.
