Elbasy alǵa qoıǵan maqsat-mindetterdi iske asyrý úshin halqymyzdyń tatýlyǵy men birligi, yntymaqtastyǵy kerek - G.Sársenbekova
ALMATY. Qańtardyń 30-y. QazAqparat /Ádilet Musahaev/ - Elbasynyń mazmundy Joldaýyn Almaty qalasyndaǵy 20 myńǵa jýyq stýdenti, 3 myń oqytýshy-professorlar quramy bar Ál-Farabı atyndaǵy Qazaq ulttyq ýnıversıtetiniń ujymy ystyq júrekpen, qajyrly qaırat-jigerimen tyńdap, qabyldady.
Bul jaıynda Ál-Farabı atyndaǵy QaUÝ-diń tárbıe jumysy jáne tilderdi damytý departamentiniń dırektory Gúlnar Sársenbekova QazAqparat tilshisine bergen suhbatynda aıtty.
«Prezıdent óz sózinde ekonomıkany daǵdarystan keıin damytý mindetterine erekshe kóńil bóldi. Osyǵan sáıkes atalǵan ındýstrıalandyrý saıasaty álemdik ekonomıkanyń qazirgi damý barysyna sáıkes bolýy tıis ekenin atap ótti.
Halqymyzdyń mádenı bolmysynyń álemdik mádenıetpen bite qaınasyp jatqandyǵynyń birden bir sebebi - rýhanı ózeginiń myqtylyǵynda. Halqymyzdyń ǵasyrlar boıy qalyptasqan qundylyqtary elimizdiń mádenı-órkenıettik damýyna ustanym bola alady. Osy tamasha dástúrler muqııat saqtalynyp, ata-babalarymyzdyń bizge mura bolyp qaldy jáne búgin táýelsiz Qazaqstannyń beıbit aspany astynda kóptegen ulttar men etnostyq toptardyń toleranttylyq jaǵdaıynda ómir súrýleriniń biregeı úlgisi retinde moıyndalyp otyrǵanyn da jetkizdi.
Sonymen qatar Elbasy Qazaqstan halqyna arnalǵan Joldaýynda bilimniń sapasyn kóterý, kásiptik tehnıkalyq bilim berýdi barynsha damytý, ǵylymnyń damýyna basa nazar aýdarý qajettiligine toqtaldy.
«Erteńińdi oılasań - urpaq tárbıele» degen halyq danalyǵyna júginsek «Balapan» baǵdarlamasy el bolashaǵynyń baǵdarlamasy bolyp otyr. Prezıdenttiń tapsyrmasyna sáıkes Úkimet mektep jasyna deıingi balalardyń bilimi men tárbıesi salasynda keshendi reformalar júrgizýde.
Prezıdenttiń tikeleı qoldaýymen akademık B.Jumaǵulov basqaratyn Qazaqstandaǵy eń iri joǵary oqý orny - Ál-Farabı atyndaǵy Qazaq ulttyq ýnıversıteti túbegeıli jańalaný jolynda. Ýnıversıtet kásibı bilikti maman daıarlaýda oqý, bilim, ǵylym, tárbıe salasynda ozyq tehnologııalar men ádisterdi utymdy paıdalana biletin álemdik deńgeıdegi jetekshi JOO birine aınalyp keledi. Búgingi zamanda tárbıeniń órkenıettilik ólshemi bolarlyq naqty mádenı negizderi de ǵylymı saralanýda. Al qundylyqtar adam boıyna ónegeli tárbıe arqyly egilmek. Materıaldyq jáne rýhanı qundylyqtar bir ǵana basym mádenıettiń emes, búkil adamzat damýynyń mádenı jetistigi bolady.
Sondaı-aq Elbasy joldaýynda órkenıetti el bolýda ulttyq qundylyqtarymyz ortaq qundylyqtarmen birigip, bolashaqqa qulashyn keń ashqan ult bolýymyz kerektigin aıtady. Órkenıettiliktiń kilti dep sapaly bilim men ónegeli tárbıeni ataýǵa bolady.
Elbasy qoıǵan maqsat-mindetterdi iske asyrý úshin halqymyzdyń tatýlyǵy men birligi, yntymaqtastyǵy kerek. «Birlik bar jerde tirlik bar demekshi», Qazaqstannyń EQYU-ǵa tóraǵalyq etýi jylynda Elbasynyń alǵa qoıǵan maqsat-mindetteriniń tolyǵymen iske asýyna jasampaz isterimizben úles qosamyz», deıdi G. Sársenbekova.
