Elbasy álemdik lıderlermen kezdesýler ótkizdi

BUU Bas hatshysy Pan Gı Mýnmen kezdesýde taraptar Qazaqstan men BUU arasyndaǵy ózara is-qımyl máselelerin talqylady, sondaı-aq baılanystardy odan ári damytý perspektıvalaryn qarastyrdy. Memleket basshysy elimiz ben BUU arasyndaǵy yntymaqtastyqtyń jemisti ekenin aıtyp, Qazaqstan uıymnyń jahandyq bastamalary men jobalaryn qoldaıtynyn jetkizdi.

Pan Gı Mýn elimizben tıimdi seriktestiktiń odan ári nyǵaıyp, damı beretinine senim bildirdi.

Memleket basshysynyń Eýropalyq komıssııa­nyń tóraǵasy Jan-Klod ıÝnkermen kezdesýi ba­ry­synda Qazaqstan men Eýropalyq odaq ara­syn­daǵy saıası jáne saýda-ekonomıkalyq baılanysty nyǵaıtý perspektıvalary qarasty­ryldy.

Elbasy Ulybrıtanııa premer-mınıstri Tereza Meımen kezdesýde elder arasyndaǵy ekijaqty ózara qarym-qatynas máselelerin talqylady, sondaı-aq halyqaralyq kún tártibindegi ózekti máselelerdi qarastyrdy.
Nursultan Nazarbaev D.Kemeronnyń premer-mınıstr bolǵan kezinde ózara is-qımyl men yntymaqtastyqtyń joǵary deńgeıine qol jetkizilgenin atap ótip, T.Meıdi elimizge saparmen kelýge shaqyrdy.

Kanadanyń premer-mınıstri Djastın Trıýdomen kezdesý barysynda eki el arasyndaǵy yntymaqtastyqtyń saýda-ekonomıkalyq, ınves­tıtsııalyq jáne mádenı-gýmanıtarlyq salalar tárizdi basty baǵyttaryna qatysty pikir almasyldy. Sondaı-aq halyqaralyq damýdyń kóptegen máseleleri boıynsha ustanymnyń ortaqtyǵy, sondaı-aq túrli salalarda, sonyń ishinde aýyl sharýashylyǵy salasynda ekijaqty ózara is-qımyldy nyǵaıtý úshin zor áleýet bar ekeni aıtyldy.

Memleket basshysynyń Túrkııa Respýb­lı­ka­synyń prezıdenti Rejep Taııp Erdoǵan­men kezdesýi barysynda ekijaqty ynty­maq­tastyqtyń keń aýqymdy máseleleri qarastyryldy. Taraptar óńirlik jáne ha­lyq­aralyq kún tártibindegi birqatar ózekti máseleler, sonyń ishinde Taıaý Shyǵys pen Ortalyq Azııadaǵy jaǵdaı jóninde de pikir almasty.

Japonııanyń premer-mınıstri Sındzo Abemen kelissóz barysynda taraptar saýda-ekonomıkalyq, saıası jáne mádenı-gýma­nıtarlyq salalardaǵy baılanys­tardy nyǵaıtý perspektıvalary tárizdi eki­jaqty ózara is-qımyldyń basty baǵytta­ryn tal­qylady. Sondaı-aq eki eldiń kóshbasshy­ary halyqaralyq kún tártibindegi birqatar máseleler jóninde pikir almasty.
Eki eldiń kóshbasshylary Nursultan Nazarbaev­tyń Japonııaǵa aldaǵy saparyn tal­qy­lady.

Qazaqstan Prezıdenti men Saýd Arabııasy murager hanzadasynyń orynbasary Muhammed ben Salman kezdesýi barysynda eki el seriktestiginiń birqatar negizgi baǵyttary boıynsha ózara is-qımyl máseleleri qarastyryldy. Taraptar túrli sala­lardaǵy ekijaqty yntymaqtastyqty odan ári nyǵaı­tý úshin zor áleýet bar ekenin atap ótip, mem­leketaralyq baılanystardy jandandy­rýǵa ýa­ǵdalasty.

Budan bólek, Nursultan Nazarbaev pen Muhammed ben Salman óńirlik jáne halyqara­lyq kún tártibindegi ózekti máseleler jóninde pikir almasty.

Sonymen qatar, Elbasy «Alibaba Group» dırektorlar keńesiniń tóraǵasy Djek Mamen kezdesti. Kezdesý barysynda kompanııamen yntymaqtastyqty damytý jáne onyń Qazaqstandaǵy qyzmeti aıasyn keńeıtý perspektıvalary, sonyń ishinde elektrondy kommertsııa men tólem júıelerin ıntegratsııalaý salasyndaǵy birlesken jobalardy iske asyrý máseleleri talqylandy.

Sonymen qatar Nursultan Nazarbaev G20 sammıti aıasynda Reseı Federatsııasynyń pre­zı­denti V.Pýtınmen, Frantsııa prezı­denti F.Ollandpen, Germanııanyń federaldy kantsleri A.Merkelmen, Koreıa Res­pýblı­kasynyń prezıdenti Pak Kyn Hemen, Ońtústik Afrıka Respýblıkasynyń pre­zıdenti D.Zýmamen, Mysyr prezıdenti A.Sısımen, Senegal prezıdenti M.Sallmen, sondaı-aq Argentına prezıdenti M.Makrımen áńgimelesti.
Memleket basshysy Ispanııanyń premer-mınıstri M.Rahoı, Italııanyń premer-mı­nıstri M.Rentsı jáne Úndistannyń premer-mınıstri N.Modımen túrli salalardaǵy eki­jaqty yntymaq­tastyq máseleleri jóninde pi­kir almas­ty.