Elbasy: Álemdik ǵylymnyń úzdik ókilderimen birlese tónýi múmkin apattardan elderdi saqtap qalýǵa mindettimiz
«Mine, jeti jyldan beri álemdik ekonomıka tolyq qalpyna kele almaı keledi jáne burynǵy damý qarqynyn qaıtara alǵan joq. Jumyssyzdyqtyń joǵary deńgeıi, qaryzdyń ósýi sekildi ornyqty problemalar saqtalýda. Kóptegen sarapshylar qazirgi kezde ekonomıka birtindep qalpyna kele jatqanyn aıtýda, alaıda, ósim deńgeıi bólek-bólek. Kóptegen elder stagnatsııadan shyǵa almaı keledi», - dedi Memleket basshysy. Sonymen qatar Prezıdent keıbir ekonomıster 2008 jyly bastalǵan jahandyq daǵdarys júıeli sıpatqa ıe ekenin jáne bul daǵdarys negizgi sebepteri joıylǵannan keıin ǵana aıaqtalatynyn alǵa tartyp otyrǵandyǵyn jetkizdi. ıAǵnı, bul turǵyda tereńge tamyryn jaıǵan teńgerimsizdikti, birinshi kezekte valıýtalyq jáne saýda naryqtaryndaǵy ahýal rettelgen kezde damý qarqyny bastalady. «Olardyń paıymynsha, kópshiliktiń týrbýlenttilik dep qabyldap júrgen qubylys shyn máninde jahandyq daǵdarystyń kelesi kezeńiniń paıda bolýynyń jasyryn, latenttik formasy bolyp tabylady. Ol qarjylyq saladan zańsyz sanktsııalar men áleýmettik-saıası soǵystar túrinde valıýtalyq soǵystar, ekonomıkalyq soǵystar salasyna aýysýda. Taıaý Shyǵystaǵy - Sırııadaǵy, Aýǵanstandaǵy, Lıvandaǵy daǵdarystyq ahýal da osynyń saldary. Dál osy jaǵdaı Batys pen Shyǵystyń, AQSh pen NATO-nyń Reseı men Qytaıǵa qarsylyqtyń artýyn týdyrady. Al eger jaqyn arada biz aıtyp júrgen jahandyq daǵdarys óziniń latentti kezeńinen gıperdaǵdarys túrinde ashyq kezeńine aýyssa ne bolady? Bul suraqqa jaýapty ekonomıkalyq ǵylym men álemdik ǵylymı kózqaras bere alar edi. Osy oraıda biz halyqaralyq forýmdardy, onyń ishinde Astana ekonomıkalyq forýmyn ótkizýdemiz», - dedi Elbasy. Bul turǵyda N.Nazarbaev qazirden bastap bolashaqta daǵdarysqa jol bermeýdiń qadamdaryn oılastyrýǵa shaqyrdy. «Álemdik ǵylymnyń úzdik ókilderimen birlese tónýi múmkin apattardan bizdiń elder men halyqtardy saqtap qalýdyń joldaryn tabýǵa mindettimiz», - dep atap ótti Prezıdent.
