Elbasy Aqtóbe qalasyndaǵy tennıs ortalyǵyna bardy
AQTÓBE. QazAqparat - Elbasy Aqtóbe qalasyndaǵy «ACE Tennis Center» tennıs ortalyǵyna bardy, dep habarlaıdy QazAqparat Aqordanyń baspasóz qyzmetine silteme jasap.
Qazaqstan Prezıdenti memleket-jekeshelik áriptestik aıasynda salynǵan sport kesheniniń jumysymen tanysyp, óńirlerde osyndaı sport ınfraqurylymdarynyń ashylýy salaýatty ómir saltyn nasıhattaýǵa jáne elimizde tennıstiń damý deńgeıin arttyrýǵa múmkindik beretinin atap ótti.
Nursultan Nazarbaev jas sportshylarmen áńgimelesip, tennıs dobyna estelik qoltańba qaldyrdy, sondaı-aq osy ortalyqtyń qonaq úı kesheni men basqa da oryndaryn aralap kórdi.
