Elbasy Aqtaý soltústik teńiz termınalyna bardy
Іs-shara barysynda Qazaqstan Prezıdentine 2020 jylǵa qaraı barlyq porttyń, sonyń ishinde Aqtaý soltústik teńiz termınalynyń qýattylyǵyn aıtarlyqtaı arttyrý josparlanyp otyrǵany jóninde baıandaldy.
Sondaı-aq, Memleket basshysyna «Jibek joly» júk tıeý kesheniniń jumysy týraly málimdeldi.
Іs-shara sońynda Elbasy termınal qyzmetkerlerimen áńgimelesti.
Termınal jumysy eksport-ımport ósimin arttyrýǵa jáne Qazaqstan men Ortalyq Azııa elderi ónimderin Aqtaý porty arqyly Kavkaz mańy, Parsy shyǵanaǵy elderine jáne Reseı Federatsııasyna jetkizýge baǵyttalǵan. Kásiporynda jyl boıy dándi daqyldar tıeý jáne jóneltý, kemelerge keshendi qyzmet kórsetý, iri tonnalyq júk konteınerlerin saqtaý jumystary júrgiziledi, sondaı-aq qoımada júk saqtaý operatsııalary júzege asyrylady.
Sonymen qatar Qazaqstan Prezıdenti «Azersýn» óndiris jáne logıstıka ortalyǵy» jaýapkershiligi shekteýli seriktestigine bardy. Memleket basshysy ortalyqtyń jumysymen tanysyp, óndiristik taýarlar, sondaı-aq jemis-jıdek pen kókónis saqtalatyn qoımalardy aralap kórdi.
«Aqtaýdaǵy logıstıka ortalyǵynyń qyzmeti azyq-túlik ónimderi baǵasyn arzandatýǵa baǵyttalǵan. Mańǵystaý oblysymen qatar, respýblıkamyzdyń basqa da óńirlerindegi azyq-túlik baǵasyn tómendetip, onymen qamtamasyz etý maqsatymen taýarlardy saqtaý, jetkiziletin kólemin arttyrý jóninde sharalar qabyldaý qajet», - dedi Elbasy.
Sońynda Nursultan Nazarbaev ortalyq qyzmetkerlerine tabys tiledi.
