Elbasy: Aqparattyq sala - zamanaýı mádenıettiń ajyramas bóligi

Búgin Astanada óz jumysyn bastaǵan Eýrazııa medıa forýmynda sóz sóılegen Memleket basshysy Nursultan Nazarbaev osylaı málim etti.

Memleket basshysynyń aıtýynsha, jaqyn keleshektegi 5 jyl ishinde jalpyálemdik ınternetke qoljetimdilik pen odan keıingi onyń kontentin paıdalaný men qurý tóleminiń jyl saıynǵy ósimi orta eseppen 9 paıyzdy quraıdy. Budan bólek, buqaralyq aqparat quraly mańyzy jaǵynan aqparattar eń kóp tutynylatyn dáýirge ótip barady. «Bunyń ózi elektrondyq, baspasóz medıa úshin de jańa jaǵdaılar qalyptastyrmaq. Meniń oıymsha, aldaǵy onjyldyq perspektıvada gazetter men baspa ónimderi joǵalyp ketpeıdi, óz zamanynda kıno paıda bolǵan tusta teatr da joǵalyp ketpegeni belgili. Kıno men radıo da televıdenıe damyǵan tusta joǵalǵan joq. Teleradıo da ınternet paıda bolǵanda quryǵan joq. Jalpy, aqparattyq sala - bul zamanaýı mádenıettiń ajyramas bóligi. Dál osy turǵydan biz Qazaqstanda massmedıany damytý máselesin qarastyryp, onda bizdiń qoǵamymyzdyń birligi faktoryn, progress jolynda Qazaqstannyń qozǵalysyn senimdi qamtamasyz etý dúnıelerin kórip otyrmyz», - dedi N. Nazarbaev.