Elbasy Aqordadan óńirlerdegi ınfraqurylymdyq jobalardyń júzege asyrylýyn baqylap otyrmaq

ASTANA. QazAqparat - Infraqurylymdyq jobalar boıynsha barlyq jıyndardy sheneýnikterdiń jyly kabınetterinde emes, qurylys alańdarynda ótkizý qajet. Búgin Astanadaǵy Táýelsizdik saraıynda ótken Indýstrııalandyrý kúni aıasyndaǵy jıyn barysynda Elbasy Nursultan Nazarbaev osylaı málim etti.

«Infraqurylymdyq jobalar boıynsha barlyq jıyndar sheneýnikterdiń jyly kabınetterinde emes, qurylys alańdarynda ótkizý qajet. Men zamanaýı tehnologııalardyń kómegimen kabınetimde ekran qoıýǵa tyrysamyn. Túımeshegin basyp, árbir oblysta ne jasalyp jatqanyn kórip otyramyn. Premer-Mınıstr de osylaı isteýi tıis. Sonda ǵana nátıje bolady», - dedi Elbasy.