Elbasy ákimshilik reformalardy shuǵyl túrde oryndaýǵa tapsyrma berdi - Memlekettik basqarý akademııasynyń rektory
ASTANA. 19 qazan. QazAqparat - Kúni keshe ǵana Prezıdent elimizde ákimshilik reformalardy shuǵyl túrde oryndaý máselesin erekshe atap ótti.
Bul týraly búgin Astanada ótken jıynda QR Prezıdenti janyndaǵy Memlekettik basqarý akademııasynyń rektory Bolatbek Ábdirasylov málim etti.
«Memleket basshysynyń tapsyrmasyna oraı, Prezıdent Ákimshiliginyń basshysy Kárim Másimovtiń jetekshiligimen arnaıy jumys toby quryldy. Ol jaqyn arada ákimshilik reformalardyń barlyq tetikterin zerttep shyǵýy tıis. Árıne, basqarý júıesi men memlekettik qyzmettiń atalǵan jumystan tys qalmaıtyny aıdan anyq», - dep atap kórsetti B.Ábdirasylov.
