Elbasy: AHQO - negizgi reformalar men ózgeristerdiń mańyzdy býyny
ASTANA. QazAqparat - Elordadaǵy Kongress holl ortalyǵynda ótip jatqan «Astana» halyqaralyq qarjy ortalyǵynyń resmı ashylý rásiminde Elbasy Nursultan Nazarbaev onyń qyzmetine sáttilik tiledi, dep habarlaıdy QazAqparat tilshisi.
«Qazaqstandy kórkeıtý jáne elimizdiń strategııalyq maqsatyna jetý jolynda aýqymdy jumystar atqarylýda. Ekonomıkany ındýstrııalandyrý, ártaraptandyrý belsendi júrgizilýde. Memlekettiń úshinshi jańǵyrý bastamasy tsıfrlandyrý baǵdarlamasymen júzege asyrylýda. Osy oraıda «Astana» halyqaralyq qarjy ortalyǵy negizgi reformalar men ózgeristerdiń mańyzdy býyny bolyp sanalady. Onyń qyzmetine sáttilik tileımin. Bas qalamyzdyń 20 jyldyq mereıtoıy qutty bolsyn! Barshalaryńyzǵa zor densaýlyq, tabys tileımin!», - dedi Nursultan Nazarbaev.
Buǵan deıin habarlaǵanymyzdaı, Elbasynyń qatysýymen «Astana» HQO-nyń resmı ashylýy ótýde.
Shara barysynda Nursultan Nazarbaev Astana Táýelsizdigimizdiń, elimizdiń bereke-birliginiń, damýynyń, dárejesiniń sımvoly, barlyq bastamalar men oń ózgeristerdiń flagmany ekendigin basa aıtqan edi.
