Elbasy AHQO-da ıslam qarjy yntymaqtastyǵyn damytýǵa shaqyrdy
«Islam qarjysyn, sonyń ishinde onyń ǵylym men ınnovatsııany qarjylandyrýdyń rólin kúsheıtý qajet. Qazaqstanda bıylǵy EKSPO-2017 kórmesi ótip jatyr. Sol kórme aıaqtalǵannan keıin onyń bazasynda biz «Astana» halyqaralyq qarjy ortalyǵyn ornalastyramyz. Islam qarjy quraldary men «jasyl» qarjylardy damytý - onyń qyzmetiniń mańyzdy baǵyty bolyp sanalady. Sizderdi ıslam qarjy salasyndaǵy yntymaqtastyqty arttyrýǵa shaqyramyz», - dedi Prezıdent Islam yntymaqtastyq uıymynyń ǵylym jáne tehnologııalar jónindegi sammıtinde.
Bul rette N. Nazarbaev Islam damý bankiniń ǵylym men ınnovatsııalardy qarjylandyrý jónindegi áleýeti óte zor ekenin atap ótti.
Búgingi Sammıttiń negizgi qujattary retinde Qorytyndy kommıýnıke men Astana deklaratsııasy bolmaq.
Bıylǵy jıynǵa IYU-ǵa qatysýshy 56 memleket, sondaı-aq halyqaralyq jáne óńirlik uıymdar qatysýda.
Belgili bolǵandaı, Sammıt kezinde Islam yntymaqtastyǵy uıynyń ǵylym men tehnologııalar boıynsha syılyǵy tapsyrylady dep kútilýde.
Aıta keteıik, musylman memleketteri basshylarynyń 1969 jylǵy 25 qyrkúıekte Rabatta ótken konferentsııasynda negizi qalanǵan Islam yntymaqtastyǵy uıymy (IYU) - eń iri jáne yqpaldy úkimettik ári halyqaralyq musylman uıymy. Qazirgi ýaqytta ol jalpy sany shamamen 1,5 mıllıard adamdy qamtıtyn 57 eldiń basyn biriktirip otyr.
IYU-nyń negizgi qaǵıdattary mynalar: tolyq teńdik; ár halyqtyń óz taǵdyryn ózi sheshý quqyǵyna degen qurmet; ishki isterine aralaspaý; memleketterdiń egemendigin, táýelsizdigin jáne aýmaqtyq tutastyǵyn qurmetteý; IYU-ǵa múshe memleketter arasyndaǵy daýly máselelerdi kelissóz, araaǵaıyndyq nemese arbıtraj arqyly beıbit jolmen sheshý; uıymǵa múshe memleketter aýmaqtarynyń tutastyǵyna, sonymen birge saıası táýelsizdigine de qarsy kúsh qoldanbaý nemese qoqan-loqqy kórsetpeý.
Qazaqstan 1995 jyly Islam yntymaqtastyǵy uıymynyń tolyq quqyly múshesine aınaldy.
Astanada 2011 jylǵy 28-30 maýsymda Islam yntymaqtastyǵy uıymy Syrtqy ister mınıstrleri keńesiniń (SІMK) 38-shi sessııasy ótti. Sol sátten bastap Qazaqstan osy halyqaralyq uıymǵa tóraǵalyq etýge kiristi. Bul basqosýdy tarıhı oqıǵa dep ataýǵa bolady, óıtkeni, onda Islam konferentsııasy uıymy ataýyn (IKU) Islam yntymaqtastyǵy uıymy (IYU) dep ózgertý týraly sheshim qabyldandy jáne Adam quqyqtary jónindegi turaqty komıssııa quryldy. Alǵashqy ret IYU-nyń Ortalyq Azııamen yntymaqtastyq jónindegi is-áreket jospary qabyldandy.
