Elbasy Abu Dhabi Global Market qarjy aımaǵynda boldy
ÁBÝ-DABI. QazAqparat - Búgin BAÁ-ge resmı sapary barysynda Qazaqstan Prezıdenti Nursultan Nazarbaev Abu Dhabi Global Market (ADGM) halyqaralyq qarjy aımaǵynda boldy, dep habarlaıdy QazAqparat HAA tilshisi.
Ábý-Dabıdiń jahandyq naryǵy sanalatyn atalmysh erkin qarjy aımaǵy 2004 jyly BAÁ federaldyq zańy aıasynda ál-Marıah aralynda qurylǵan bolatyn.
ADGM qurylymy úsh táýelsiz organnan - qarjy qyzmetterin retteý basqarmasy, tirkeý bıýrosy jáne ADGM sottary. ADGM aýmaǵynda jalpy aǵylshyn quqyǵy men aǵylshyn tili qoldanylady.
ADGM baǵaly qaǵazdarmen ótetin operatsııalardy, kóterme saýda jáne bank operatsııalary salasynda qyzmet etetin, qarjylyq naryqtyń barlyq quraldary boıynsha qyzmettermen, aqsha aýdarymdary, kópshilikke arnalǵan taýarlar men olardyń óndirisimen, tutyný zattaryn saqtaý, óńdeý jáne jetkizýmen, áýe, teńiz jáne temirjol kólikteri arqyly tasymaldaý jáne júkteýmen aınalysatyn, valıýtalyq naryqta qyzmet etetin, baǵaly qaǵazdar naryǵynda uıymdastyrylǵan aktsııa kotırovkalaryn qoldaýmen, nesıelik jáne qarjylyq brokerlik qyzmetpen, ıslam bankteri jáne ıslamdyq qarjylandyrýmen, saqtandyrý qyzmetimen, túrli qarjy jáne aktıv qorlaryn qurýmen, paıdalanýmen, basqarýmen jáne marketıngimen aınalysatyn kompanııalardy lıtsenzııalaýdy júzege asyrady.
ADGM barlyq qarjylyq qyzmetterdi kórsetedi jáne Azııa men Eýropa naryqtary arasyndaǵy kópirge aınaldy.
ADGM shıkizat jetkizýshileriniń, taýaróndirýshilerdiń, sonymen qatar ishki jáne aımaqtyq qyzmet kórsetý kompanııalarynyń barlyq talaptaryna jaýap beretin jańa qarjylyq ónimderdi usynǵan óńirdegi eń iri qarjylyq aımaq.
ADGM Dırektorlar keńesiniń tóraǵalyǵyna buryn Dolphin Energy kompanııasynyń atqarýshy dırektory, Masdar kompanııasynyń dırektory, Abu Dhabi Media tóraǵasynyń orynbasary qyzmetterin atqarǵan Ahmed Alı as-Saıeh (Ahmed Ali Al Sayegh) taǵaıyndalǵan.
