Elbasy «A» basqarýshy korpýsy memlekettik qyzmetshileri konkýrsynyń birinshi qorytyndysyna tereń taldaý jasaýdy tapsyrdy
ASTANA. 17 qazan. QazAqparat - «A» basqarýshy korpýsy memlekettik qyzmetshileri konkýrsynyń birinshi qorytyndysyna tereń taldaý jasaý tapsyryldy.
Atalǵan tapsyrmany búgin «A» basqarýshy korpýsy memlekettik qyzmetshilerimen keńes ótkizgen Elbasy Nursultan Nazarbaev berdi.
«Bastapqyda atap ótkenimdeı, birinshi konkýrstyń qorytyndysyn tereń taldaý, ony ótkizýdiń sharttaryn jaqsartý boıynsha sharalar qabyldaý qajet. Birinshi kezekte, ádil ótkizý úshin», - dedi Elbasy.
Osy rette Memleket basshysy Prezıdent Ákimshiligi, Úkimet jáne Memlekettik qyzmet isteri agenttigine birneshe aı boıy osyndaı saraptamalyq jumystar júrgizýdi tapsyrdy.
