Elbasy 2020 jyly saılaýǵa qatysý týraly pikirin bildirdi
ASTANA. QazAqparat - Memleket basshysy Nursultan Nazarbaev Bloomberg News aqparattyq agenttigine suhbat bere otyryp, 2020 jyly Prezıdent saılaýyna qatysý týraly pikirin bildirdi, dep habarlaıdy QazAqparat.
«Adam neshe jyl ómir súretinin boljaý qıyn shyǵar... Men burynnan beri jumys istep kelemin jáne sol úshin meni synaıtyndar kóp. Biraq, kóp jyl prezıdent boldyń ba, az jyl jumys istediń be, mańyzdysy - seniń jumysyńnyń tıimdiligi. Halqyńa paıdań tıdi ma, joq pa, sol mańyzdy. Bizdiń eldiń zańy men Konstıtýtsııasyna súıensek, men osy prezıdenttik merzimim aıaqtalǵannan keıin de saılaýǵa kandıdatýramdy usyna alamyn. Biraq, 2020 jyly ne bolaryn aıta almaımyn. Men úshin mańyzdysy - meniń fızıkalyq jaǵdaıym, ıaǵnı densaýlyǵym. Ekinshiden, elime paıdamdy tıgizýim jáne bergen ýádemdi oryndaý. Sondyqtan, birinshiden densaýlyq, ekinshiden halyqtyń qalaýy. ıAǵnı, halyq bir adamnyń basqarýynan sharshaǵan joq pa, sony bilý», - dedi Prezıdent.
Nazarbaev 75 jasyna qaraı saılaýdy merziminen buryn ótkizýine ne sebep bolǵanyn da atady.
«Jetpis jasymda buny (halyqtyń bir Prezıdentke qatysty oıyn - agenttik) qatty oılap, jetpis bes jasymda merzimnen buryn saılaý ótkizdim. Sol kezde halyqtyń toqsan paıyzynan astamyn meni qoldady. Sondyqtan, 2020 jylǵa deıin men jumys isteı beremin», - dedi Prezıdent.
