Elbasy: 12 jyldyq bilim berýdi qamtamasyz etetin 522 mektep salynady
ASTANA. 5 qyrkúıek. QazAqparat - 12 jyldyq bilim berýdi qamtamasyz etetin 522 mektep salynady. Búgin Astanadaǵy Nazarbaev Ýnıversıtetinde «Qazaqstan bilim qoǵamy jolynda» atty taqyrypta ınteraktıvti dáris oqý barysynda Memleket basshysy Nursultan Nazarbaev osylaı málim etti.
«Orta bilim berý júıesinde biz 12 jyldyq bilim berý júıesin engizý jumystaryn jalǵastyratyn bolamyz. Jańa bilim berý standarttary ázirlenedi. 12 jyldyq bilim berýdi qamtamasyz etý úshin taǵy da qosymsha 522 mektep salynady», - dedi N. Nazarbaev. Sonymen qatar, Prezıdent orta bilim berýdiń ınfraqurylymy da jasara túsetinin, úsh aýysym joıylatynyn málim etti.
«Búgingi kúni Zııatkerlik mektepterdiń jelileri belsendi damyp keledi. Bul orta bilimniń barlyq deńgeıine satylap enedi. Bıyl 35 bilim mekemesi Zııatkerlik mektep standarttary boıynsha jumys isteı bastaıdy. Orta bilimge elektrondyq júıe de engiziledi. 2012 jyly bul 600 mektepte enedi. Endi aýyldaǵy jáne múmkindigi shekteýli balalar da elektrondyq oqý materıaldaryna qol jetkize alady», - dedi N. Nazarbaev.
