Elbasy: 100 paıyz oryndalatyn usynystardy ǵana qoldaýdan taıǵan emespin

NUR-SULTAN. QazAqparat – Bıliktiń barlyq deńgeıindegi partııalyq jaýapkershilikti kúsheıtýimiz qajet. Bul týraly «Nur Otan» partııasy Saıası keńesiniń keńeıtilgen otyrysynda QR Tuńǵysh Prezıdenti – Elbasy Nursultan Nazarbaev aıtty, dep habarlaıdy QazAqparat tilshisi.

«Bıliktiń barlyq deńgeıindegi partııalyq jaýapkershilikti kúsheıtýimiz qajet. Atqarýshy bılik, Úkimet, ákimder óz isterin jasap jatyr, túsinikti de. Al partııa arqyly adamdardyń qoǵamdyq ómirin kim ilip alyp ketedi? 2016 jyldan beri partııanyń «Qazaqstan-2021: Birlik, beıbitshilik, jasampazdyq» atty saılaýaldy baǵdarlamasyn júzege asyryp kelemiz. Búgin biz Premer-Mınıstr baıandamasynan saılaýaldy ýádeniń 70 paıyzy oryndalǵanyn estidik. Taǵy 30 paıyzy qalyp otyr. Olardy saralaý qajet. Ol jerde eń mańyzdy tarmaqtar qalyp qoıǵan da shyǵar... Degenmen, olardy eshkim kótermeıdi, Májilistegi fraktsııa – eshkim. Kelesi saılaýǵa kelgende halyqqa ne aıtamyz?», - dedi QR Tuńǵysh Prezıdenti.

Elbasy 30 jyl boıy 100 paıyz oryndalatyn usynystardy ǵana qoldaý ustanymynan esh taımaǵanyn basa aıtty.

«Osy 30 jyl barlyqtaryńyzdyń esterińizde bar. Barlyǵy da qarajatpen, baqylaýmen qamtamasyz etildi. Sońynda biz oryndadyq dep baıandaıtynbyz. Qazir de dál sol bolýy tıis. Muny saılaýshylarǵa kórsetý kerek», - dedi Nursultan Nazarbaev.