Elbadaǵy jurtty tánti etken aısbergter parom kompanııalaryn alańdatyp otyr
ASTANA. KAZINFORM — Qańtar aıyndaǵy aıazdyń saldarynan Gambýrg mańynda bıiktigi 10 metrge deıin jetetin muzdy tóbeshikter paıda boldy. Elba ózeninde muzjarǵysh kemeler jumys istep jatyr, dep habarlaıdy Euronews.
Aýa temperatýrasy mınýs 11 gradýsqa deıin tómendeýi saldarynan Geesthaht mańyndaǵy Elba ústinen ótetin kópirdiń tómengi aǵysynda, Tómengi Saksonııa baǵytyna qaraı naǵyz aısbergter qalyptasty. Qatty aıazǵa qaramastan, demalys kúnderi kóptegen jergilikti turǵyndar osy mańǵa arnaıy serýendeýge keldi. Adamdar muz massalaryna tańǵalyp, erekshe kórinisti fotoǵa túsirip, kadrlardy áleýmettik jelilerge júktedi.
Alaıda keme qatynasy qyzmetteri úshin bul kórinister naǵyz bas aýrýyna aınaldy.
Enorme ijsmassa's op de Elbe 🇩🇪
— Johanns (Alpen)weer @johannsalpenweer.bsky.social (@Alpenweerman) January 18, 2026
Na de koude periode, afgelopen zondag daalde de temperatuur tot -11°C en door een lage waterstand konden zich enorme ijsmassa's vormen op de Elbe. Als gevolg vd lage waterstand vormde zich grondijs dat omhoog kwam en het oppervlakwater verstopte.… pic.twitter.com/it9EL3duuD
«Biz osy kúnge deıin mundaıdy kórmeppiz», deıdi Sý joldary men keme qatynasy basqarmasynyń (WSA) arnaıy flot bóliminiń basshysy Andreas Shýlts.
Onyń aıtýynsha, muz Elba ózeniniń túbinen on metrge deıin kóterilip jatyr.
Geesthaht pen Laýenbýrg aralyǵynda alty muzjarǵysh keme táýlik boıy qatynap, ózendegi keme qatynasynyń toqtap qalmaýyna jaǵdaı jasap jatyr.
Aıta keteıik, ǵaryshtan anyq kórinetin eń iri aısberg A-23A-nyń túsi nege ózgergenin jazdyq.