El aýmaǵyndaǵy sheteldik joǵary oqý oryndary fılıaldarynyń kartasy usynyldy
ASTANA. KAZINFORM — Búgingi tańda 39 sheteldik joǵary oqý ornymen seriktestik ornatylǵan, dep habarlaıdy Ǵylym jáne joǵary bilim mınıstrliginiń baspasóz qyzmeti.
Memleket basshysy Qasym-Jomart Toqaevtyń tapsyrmasyna sáıkes el aýmaǵynda álemniń jetekshi joǵary oqý oryndarynyń fılıaldary ashylyp jatyr. QR Ǵylym jáne joǵary bilim mınıstrligi halyqaralyq yntymaqtastyqty damytyp, stýdentter úshin múmkindikterdi keńeıte otyryp, Qazaqstandy Ortalyq Azııadaǵy jetekshi akademııalyq habqa aınaldyrý baǵytynda belsendi jumys júrgizip keledi.
— Búgingi tańda 39 sheteldik joǵary oqý ornymen seriktestik ornatylǵan. Qazaqstanda Ulybrıtanııa, Italııa, Qytaı, Reseı, AQSh, Frantsııa jáne Ońtústik Koreıanyń 23 seriktes joǵary oqý oryndary jumys isteıdi. Qurmetti talapkerler jáne olardyń ata-analary! Óz óńirińizdegi nemese qyzyǵýshylyq tanytqan joǵary oqý ornynyń ornalasýyn qarap, bolashaq bilim baǵytyńyzdy josparlaýǵa shaqyramyz! — delingen mınıstrlik habarlamasynda.
Buǵan deıin Qazaqstan JOO-lary álemdik reıtıngterde neshinshi orynda turǵany málim boldy.