Elamanov isi: Sot marqumnyń týystarynyń talabyn qanaǵattandyrmady
KÓKShETAÝ. QazAqparat - Kókshetaý qalalyq soty áriptesiniń qolynan ajal qushqan aǵa leıtenant Darhan Elamanovty Aqmola oblysy boıynsha ІІD qyzmet babynda qaza tapty dep taný jáne materıaldyq ótemaqy óndirip alý týraly týystarynyń bergen aryz-talabyn qanaǵattandyrmaı tastady, dep habarlaıdy QazAqparat tilshisi.
Aqmola oblystyq soty baspasóz qyzmetiniń deregi boıynsha, aǵymdaǵy jyldyń 25 qańtarynda Kókshetaý qalalyq sotynda Darhan Elamanovtyń týystarynyń ony qyzmet babynda qaza tapty dep taný jáne materıaldyq ótemaqy óndirip alý týraly túsken aryz-talabyn qarady. Sotta anyqtalǵandaı, qaıǵyly oqıǵa bolǵan kúni Darhan Elamanov óziniń tabeldik qarýymen qyzmet ornyn tastap, Jánibek Baımurzınmen kezdesýge shyǵyp ketken. ıAǵnı, QR ІІM buıyryǵymen bekitilgen QR Іshki ister organdarynyń kezekshilik bólimi jáne jedel basqarý ortalyqtary qyzmetin uıymdastyrý erejesiniń 22 pýnktin buzǵany dáleldendi.
Osyǵan baılanysty, Kókshetaý qalalyq soty Darhan Elamanovtyń qyzmettik mindetin óteý kezinde emes, jumys ýaqytynda opat bolǵanyn, ıaǵnı, QR «Quqyq qorǵaý organdary týraly» Zańnyń talaptary men qyzmettik erejeni óreskel buzǵanyn eskere kele týystarynyń aryz-talabyn qanaǵattandyrmaı tastady.
Eske sala keteıik, 2016 jyldyń 25 jeltoqsan kúni Kókshetaý qalalyq ІІB qyzmetkeri, aǵa leıtenant Darhan Elamanov kezekshilikten shyqqan soń, izim-qaıym joǵalyp ketedi. Keıin Darhandy jabylyp izdegen jaqyndary men oblystyq ІІD qyzmetkerleri birer kúnnen keıin onyń múrdesin qala shetindegi Kenesary aýylynyń mańynan tabady. Kúdiktini ustaý úshin polıtseıler marqumnyń uıaly telefonyn tekserip, sońǵy ret kimdermen sóıleskenin anyqtaıdy. Keıin 26 jeltoqsanda Aqmola oblystyq ІІD qyzmetkerleri jedel-izdestirý sharalary barysynda 2016 jyldyń 25 jeltoqsanynda joǵalyp ketken aǵa leıtenant Darhan Elamanovty óltirdi degen kúdik boıynsha polıtsııa qyzmetkeri 32 jastaǵy maıor Jánibek Baımurzındi ustaıdy.
Keıin onyń qylmysy dáleldenip, sot ony 18 jylǵa bas bostandyǵynan aıyrady. Oǵan qosa, zardap shekken tarapqa 6 mıllıon teńge kóleminde ótemaqy tóleýge mindetteıdi.
