Elaman Erǵalıevke Qyzylorda oblysynyń ákimi eki bólmeli páter syılady
ASTANA. QazAqparat - Qyzylorda oblysynyń ákimi Qyrymbek Kósherbaev QR Tuńǵysh Prezıdentiniń júldesine arnalǵan qazaq kúresinen VII «Qazaqstan barysy» týrnıriniń jeńimpazy Elaman Erǵalıevpen kezdesti, dep habarlaıdy oblystyq ákimdiktiń baspasóz qyzmeti.
«Tól sportymyzdy túletý bizdiń oblysymyzdan bastaý alǵany - biz úshin úlken abyroı. 2011 jyly alǵashqy «Qazaqstan barysy» tıtýlyn ıelengen Ulan Rysqul bolsa, Rýslan Ábdirazaqov kúmis jáne qola júldelerdi ıelendi. Olardyń jeńisti jolyn 22 jastaǵy batyrymyz Elaman Erǵalıev jalǵastyryp otyr. Osy sportshylardyń bıik belesterdi baǵyndyryp, jetistikterge jetýine úles qosqan jattyqtyrýshysy Sadyq Mustafaevtyń jáne Ádilbek Serikbaevtyń da eńbegi zor dep atap ótkim keledi», - dedi oblys ákimi.
Oblys ákimi Qyrymbek Kósherbaev «Qazaqstan barysy» jeńimpazyna eki bólmeli páterdiń sertıfıkatyn tabystady.
Óz kezeginde Elaman Erǵalıev oblys ákimine qoldaý kórsetkeni úshin úshin alǵysyn bildirip, bolashaqtaǵy josparlarymen bólisti. Onyń maqsaty - olımpıada medalin jeńip alý.
«Boz kilemdegi beldesýde oıymda tek týǵan jerim men jerlesterime jeńis syılaý turdy», - dedi Elaman Erǵalıev.
Esterińizge sala keteıik, QR Prezıdenti - Elbasy Nursultan Nazarbaevtyń júldesine arnalǵan qazaq kúresinen VII «Qazaqstan barysy» týrnırine barlyǵy 34 sportshy qatysty. Aıtýly dodada sáýir aıynda áskerıler arasynda ótken «Ásker barysy» jarysynda jeńimpaz atanǵan Elaman Erǵalıev top jardy.
Aıta keteıik, Elaman Erǵalıev 1995 jyly 25 mamyrda Qyzylorda oblysy Qarmaqshy aýdanynda dúnıege kelgen. Dzıýdomen 9 jasynan bastap aınalysady. QR Sport sheberi, dzıýdo jáne qazaq kúresi boıynsha birneshe márte jeńimpaz atanǵan, dzıýdodan jastar arasynda Azııa chempıonatynyń kúmis júldegeri (Qytaı, Haınan q. 2013 j.), dzıýdodan IV Islam yntymaqtastyǵy oıyndarynyń qola júldegeri (Ázerbaıjan, Baký q. 2017 j.).
