Elaman Erǵalıev - Tekeı batyr atyndaǵy týrnırdiń jeńimpazy
QYZYLORDA. QazAqparat - Qyzylordada halyq batyry Tekeı Qarpyqulynyń 350 jyldyǵyna arnalǵan qazaq kúresinen túıe palýandar arasynda respýblıkalyq ashyq týrnır ótti, dep habarlady QazAqparat tilshisi oblystyq dene shynyqtyrý jáne sport basqarmasyna silteme jasap.
Oǵan Ózbekstan Respýblıkasynan jáne Pavlodar, Qyzylorda oblystarynan 14 palýan qatysty. Nátıjesinde Qyzylorda oblysynyń sportshylary jaqsy óner kórsetip, júldegerler qatarynan kórindi.
Atap aıtsaq, qarmaqshylyq, bıylǵy jylǵy Qazaqstan barysy Elaman Erǵalıev bas júldeni ıelenip, oǵan 1,5 mln.teńgeniń sertıfıkaty tabystaldy. Ekinshi orynǵa ıe bolǵan palýan qyzylordalyq Maqsat Isaǵabylovqa 700 myń teńgeniń, úshinshi oryndy enshilegen qarmaqshylyq Marat Baımahanovqa 500 myń teńgeniń sertıfıkattary berildi.
Jeńimpaz jáne júldegerler Tekeı Qarpyqulynyń atyndaǵy qoǵamdyq qordyń aqshalaı syıaqylarymen, oblystyq dene shynyqtyrý jáne sport basqarmasynyń alǵys hattarymen marapattaldy. 
