El JEO-laryn kómirmen qamtý ahýaly qalaı

«Qazaqstan temir joly» kompanııasy bıylǵy 8 aıda tasymaldanǵan áleýmettik mańyzy bar júkterdiń esebin jarııalady, dep habarlaıdy QazAqparat tilshisi.

«Osy aralyqta jylý elektr ortalyqtaryna (JEO) 43,1 mln tonnadan astam kómir jetkizildi. Bul ótken jyldyń uqsas kezeńi kórsetkishimen salystyrǵanda 950 myń tonnaǵa joǵary. 4,8 mln tonnadan astam kommýnaldyq-turmystyq kómir tasymaldandy. 20 qyrkúıektegi jaǵdaı boıynsha JEO qoımalarynda 4,8 mln tonnadan astam kómir qory quryldy. ıAǵnı, ótken jyldyń sáıkes kezeńimen salystyrǵanda bul 10% kóp.

29 JEO men 16 MAES-te Energetıka mınıstrligi belgilegen qor normalary eki ese jáne odan da kóp, al 10-ynda 1,5 ese joǵary», – delingen QTJ habarlamasynda.

Málim bolǵandaı, jyl sońyna deıin aı saıyn 9,5 mln tonna qatty otyn tasymaldaý josparlanyp otyr. Bıyl jalpy kólemi 106 mln tonnadan astam kómirdi temir jol arqyly jóneltý kózdelgen. Onyń 76 mln tonnasy ishki naryqqa arnalǵan.