El jastary Elbasy Joldaýyn qoldaıdy - A.Sydyqova
ASTANA. QazAqparat - Elbasy N.Nazarbaevtyń bıylǵy Qazaqstan halqyna joldaýynda jastardy bilimdi bolyp, jańa zamannyń talaptaryna saı bolýǵa úndedi.
«Qazaqstannyń jas azamattary!Bilimdi, eńbekqor, bastamashyl, belsendi bolýǵa qazirden bastap daǵdylanyńdar. Jumys pen suranys bar óńirge batyl baryńdar. Sheberliktiń shyńyna jete bilseńder mamandyqtyń bári jaqsy. Qazir tehnıkalyq mamandyqtardyń, ǵylym men ınnovatsııanyń kúni týǵan zaman. Erinbeı eńbek etken, talmaı ǵylym izdegen, jalyqpaı tehnıka meńgergen adam ozady. Turmysy jaqsy, abyroıy asqaq bolady. Biz júzege asyryp jatqan túbegeıli reformalar men atqaryp jatqan qyrýar isterdiń bári sender úshin, bolashaq úshin jasalýda», - dep jastardy jigerlendirip, el damýyna úles qosýǵa shaqyrdy. Osy rette jastar tarapy da Elbasynyń joldaýyna ún qosýda. ál-Farabı atyndaǵy QazUÝ, «Suńqar» bilimgerler qoǵamdastyǵynyń tóraıymy Aıdana Sydyqova Elbasy joldaýynyń basym baǵyttary týraly óz pikirin bildirip, jas zamandastaryn joldaýdy qoldaı otyryp, el órkendeýine eleýli úles qosýǵa shaqyrdy.
QazUÝ-nyń belsendi stýdenti, ǵylym magıstri Aıdana Sydyqova bıylǵy joldaýdyń ózindik erekshelikteri týraly bylaı deıdi: Elbasynyń bıylyǵy Joldaýy el Táýelsizdiginiń 25 jyldyq mereıtoıymen ushtasyp otyr. Qazir álem óte kúrdeli shıelenister men tyǵyryqtar aldynda tur. Táýelsizdik alǵanyna az ǵana ýaqyt alǵan derbes memleketke de bul tolqynnyń áseri barshylyq, alaıda Elbasy Joldaýy osy tyǵyryqtan jol tabýǵa úndeıtin aldaǵy aıqyn josparymyz ispetti boldy. Ahýaldarǵa alańdamaı, sarabdal saıasatpen qamdanyp, tyǵyryqtan shyǵýdyń túrli ádis-tásilderin usynǵan Elbasy jahandyq daǵdarystan tek ózimizdiń bolashaqqa degen senimimiz ben ulttyq birlik-yntymaǵymyz alyp shyǵatynyn qadam aıtty», - deıdi ol.
Memleket basshysynyń bıylǵy Joldaýynyń basty ózekti baǵyttarynyń biri jańa jahandyq ahýaldyń syn-qaterlerge tótep berý. Qatań básekelestikte qatar júrip jatqan zamanda iske asyrylatyn túrli saıası-ekonomıkalyq kúshterdiń shyndyǵyn saraptaı otyryp, joldaýda strategııalyq maqsat-mindetter anyqtaldy. Bul týraly bolashaq ǵylym magıstri: «Qaýip-qater, jahandyq daǵdarys sekildi álemde bolyp jatqan almaǵaıyp ózgeristerde Qazaqstan soǵan qarsy turý múmkindikterin de bilýi qajet. Elbasy Joldaýynda osy múmkindikter de sarapqa salyndy. Birneshe mysaldar keltirip, eldiń daǵdarystan shyǵý tetikterin anyqtap berdi. Sondaı-aq, "Qazaqstan-2050"aýqymdy strategııalyq jobasynyń osyndaı qolaısyz faktorlarǵa qaramastan, birneshe baǵyttarynyń osy ýaqyttarda sátti oryndalǵanyn da Elbasy Joldaýda derektermen jetkizdi»
Sonymen birge, bıylǵy Joldaýdyń jastar úshin qýantarlyq tusy shákirtaqy kólemi 25%-ǵa deıin artatyndyǵy. Bul jańalyqqa A.Sydyqova qýanyshyn jasyrmady. «Meıli daǵdarys, meıli álemdik toqyraýlar bolsa da, Elbasy Joldaýynda áleýmettik qoldaý sharalaryn júzege asyra beretindigin aıtty. Demek aldaǵy jyldan bastap densaýlyq saqtaý salasy qyzmetkerleriniń eńbekaqysy -28 paıyzǵa deıin, bilim berý salasy qyzmetkerleriniki-29 paıyzǵa deıin, áleýmettik qorǵaýdaǵy qyzmetkerlerdiki 40 paıyzǵa deıin artatynyn jarııalady. Ásirese, stýdenttik stıpendııalardyń 25%-ǵa artatyndyǵy kóńil qýantady», - deıdi ol.
Elbasy Qazaqstannyń jas azamattaryna senim artty. Memleket júzege asyryp jatqan reformalar men atqarylyp jatqan qyrýar isterdiń barlyǵy da sol jastar, bolashaq úshin ekenin atap aıtty, olardy bilimge, bastysy eńbekke shaqyrdy. Sondyqtan, Aıdana Sydyqova óz zamandastaryna qarata: «El erteńi qashanda jastar! El jastary Elbasy Joldaýyn qoldaıdy. Elbasymyz aıtqan baǵyttar men mindetterdi, maqsattardy aıqyn ispen kórsetý - endigi bizderdiń, jastardyń mindeti. Sol údeden shyǵý jeke óziń úshin emes, memleketiń úshin mańyzdy ekenin árbir jas esten shyǵarmaıdy degen oıdamyz. Olaı bolsa bilim alaıyq, eńbekteneıik, suranysqa saı jumystyń mamany atanyp, el órkendeýine eleýli úles qosaıyq!» - dep jastardy Joldaýdy qoldaýǵa shaqyrdy.
