El jastary turǵyn úı men bilimge 35,2 mln dollar jumsady

ASTANA. KAZINFORM — Jas qazaqstandyqtar turǵyn úı men bilim alýǵa 35,20 mln AQSh dollaryn paıdalandy. 

— 2024 jylǵy 1 aqpan men 2026 jylǵy 1 aqpan aralyǵynda jalpy somasy 35,20 mln AQSh dollaryn (ótinish berýshilerdiń banktik shottaryna aýdarý úshin ýákiletti operatorlarǵa aýdaryldy) quraıtyn 223 785 ótinish oryndaldy, — delingen BJZQ habarlamasynda.

Olardyń ishinde:

turǵyn úı jaǵdaıyn jaqsartý maqsatynda 22,09 mln AQSh dollarynan astam somaǵa 139 759 ótinish oryndaldy;

bilim berý aqysyn tóleý úshin 13,11 mln AQSh dollary somasyna 84 026 ótinish.

— Nysanaly jınaqtardy (NJ) alýshy barlyq somany nemese onyń bir bóligin paıdalanýǵa quqyly. Paıdalanylmaǵan qarajat qaldyǵy nysanaly jınaqtaý shotynda (NJSh) qalady, — delingen habarlamada.

Aıta ketelik Tımýr Súleımenov BJZQ-dan qarajat alý sheginiń tásilderin qatańdatý qajet ekenin aıtqan.