Eljana Tanıeva Máskeýdegi halyqaralyq týrnırde úzdik úshtikke endi
MÁSKEÝ. QazAqparat - Máskeýde ótken kórkem gımnastıkadan halyqaralyq Olympico Cup 2021 týrnırinde qazaqstandyq Eljana Tanıeva úshinshi oryn ıelendi, dep habarlaıdy QazAqparat Olympic.kz-ke silteme jasap.
Halyqaralyq báseke Irına Vıner-Ýsmanova atyndaǵy kórkem gımnastıka saraıynda ótti. Kópsaıys qorytyndysy boıynsha Tokıo Olımpıadasynyń kúmis júldegeri Dına Averına jeńiske jetti. Ekinshi oryndy onyń syńary Arına Averına ıelendi.
Al qazaqstandyq Eljana Tanıeva úshinshi orynǵa taban tiredi. Bul qazirgi tańda Máskeýdegi Vıner akademııasynda jattyǵatyn Eljananyń tyrnaqaldy tabystarynyń biri.
Aıta ketelik, Qazaqstan komandasynyń bas bapkeri Álııa ıÝsýpovanyń bastamasymen otandyq eki gımnast Eljana Tanıeva men Sabına Bakatova Reseıdegi Irına Vıner-Ýsmanova akademııasynda jattyǵýda.
