Eljana Tanıeva kórkem gımnastıkadan Gran-prı týrnırinde qola júldeger atandy
ASTANA. QazAqparat – Qazaqstandyq Eljana Tanıeva Ispanııanyń Marbela qalasynda ótken kórkem gımnastıkadan Gran-prı týrnırinde qola júldeger atandy, dep habarlaıdy QazAqparat tilshisi.
«Sportty damytý dırektsııasy» RMQK baspasóz qyzmetinen málim etkendeı, qazaqstandyq gımnast doppen jattyǵýla 32,900 upaı jınap, úzdik úshtikke engen.
Bul jattyǵýda bolgarııalyq sportshylar aldyna jan salmady.
Stılıana Nıkolova chempıon atansa, Eva Brezalıeva kúmis júldege ıe boldy. Eljana Tanıevaǵa qola medal buıyrdy.
Bıyl aqpanda Estonııada ótken Gran-prı týrnırinde Eljana Tanıeva kúmis júldeger atanǵan edi.
Eske sala keteıik, budan buryn Narıman Qurbanovtyń sporttyq gımnastıkadan álem kýbogi kezeńinde jeńimpaz atanǵanyn jazǵan bolatynbyz.
