Eljana Tanıeva kórkem gımnastıkadan álem kýbogi kezeńiniń kúmis júldegeri atandy
ASTANA. QazAqparat – Qazaqstandyq Eljana Tanıeva Bolgarııa astanasy Sofııa qalasynda kórkem gımnastıkadan ótken álem kýbogi kezeńiniń kúmis júldegeri atandy, dep habarlaıdy QazAqparat tilshisi.
«Sportty damytý dırektsııasy» RMQK-nyń baspasóz qyzmetinen málim etkenindeı, qazaqstandyq gımnast taspamen jattyǵýda júldegerler qatarynan kórindi.
E.Tanıeva 30.900 upaı jınap, kúmis medalǵa ıe boldy.
Bul básekede ózbekstandyq Tahmına Ikromova chempıon atansa, qolany brazılııalyq Barbara Domıngos ıelendi.
Sonymen qatar E.Tanıeva urshyqpen jattyǵýdan besinshi orynǵa taban tiredi. Al doppen jattyǵýda úzdik altylyqqa endi.
Atalmysh álem kýbogi kezeńine 28 elden 50-ge jýyq gımnast qatysyp, baq synady.
Eske sala keteıik, budan buryn qazaqstandyq gımnastyń alǵash ret jasóspirimder arasynda álem chempıonatynyń júldegeri atanǵanyn jazǵan bolatynbyz.
