Elvıra Ázimova tergeý ızolıatorlaryna monıtorıng júrgizý tártibin qaıta qaraýdy usyndy
«BAQ pen áleýmettik jelide azamttardy ustaý jáne tergeý áreketterin júrgizý kezinde kúsh qoldanyp, qorqytý bolǵany týraly rezonansty málimetter áli tarap jatyr. Mundaı áreketterge jol berýge bolmaıtyny anyq. Mundaı jaıttar zań ústemdigi men adam quqyqtaryn saqtaý jónindegi konstıtýtsııalyq kepildikterdi buzady. El Prezıdenti adam quqyqtaryn buzýǵa jol berýge bolmaıtynyn aıqyn málimdedi. Ulttyq aldyn alý mehanızminiń ókilderi 13 qańtar bastap qana azamattar qamaýda otyrǵan jabyq mekemelerde monıtorıng júrgizip bastady. Bul Bas Pokýratýra men Іshki ister mınıstrligi basshylarynyń qoldaýymen múmkin boldy. Negizi Tótenshe jaǵdaı rejımi kezinde monıtorıng júrgizýge jol bermeıdi. Tótenshe jaǵdaı rejımi elimizde 19 qańtarǵa deıin jalǵasqan bolatyn», - dedi ýákil «Habar 24» telearnasynyń efırinde.
Onyń aıtýynsha, atalmysh tártipti qaıta qaraý qajet.
«Monıtorıngke azamattyq qoǵam ókilderi, jeke sot sarapshylary, zań konsýltanttary, dárigerler, psıhologtar men áleýmettik qyzmetkerler qatysyp jatyr. 24 qańtardan bastap táýelsiz monıtorıngke advokattar arasynan qoǵamdyq baqylaý komıssııalary jáne keıinnen Parlamenttiń depýtattyq toptary qosyldy», - depdi Elvıra Ázimova.
