Elvıra Ázimova advokattardyń áleýmettik jeliniń múmkindikterin jumysyna qoldanýy týraly pikir bildirdi
«Advokattyq kómek kórsetý máselelerinde men Ádilet mınıstrliginen de, advokattardan da, respýblıkalyq alqadan da kepildendirilgen memlekettik zań kómeginiń tıimdiligin qamtamasyz etý taqyrybyna oralýdy suraǵym keledi. Bul jerde men advokattardyń múddeleri turǵysynan emes, azamattyń múddeleri turǵysynan aıtyp turmyn. Árıne, keıbir sátterde advokattyń is júrgizý mártebesi tergeýshimen de, sot protsesi kezinde de teń dárejede qamtamasyz etetindeı deńgeıde emes ekenin rastaımyn. Biz qazirdiń dabyldy sıgnaldardy kórip otyrmyz. Advokattardyń qorǵanys strategııasyn áleýmettik jeliler arqyly alǵa jyljytýy jıilep ketti. Belgili bir dárejede «haıp» ta bar shyǵar, biraq men qylmystyq ister materıalyna qolym jetpegendikten advokattardy kinálaı almaımyn», -dedi ol «Zamanaýı advokatýra problemalary jáne olardy sheshýdiń joldary» atty dóńgelek ústelde.
Elvıra Ázimova advokattardyń jelidegi jazbalary zań protsesterin ishinen bilmeıtin adamdardyń arasynda t.rli pikirler týǵyzatynyn atady.
«Keıde tipti advokattardyń jelide qaldyrǵan pikirleri zańnamadaǵy protsedýralyq normalardyń erekshelikterin bile bermeıtin halyq arasynda pikirtalas týǵyzyp jatqanyn kóremin. Bul sonshalyq jaqsy nárse emes. Kerisinshe memleketke, onyń ishinde adam quqyqtaryn qorǵaý kepildigine degen senimdi azaıtady. Ásirese qylmystyq qýdalaý orbıtasyna túsken adamdardyń aldyndaǵy memleket ımmıdji zardap shegýi múmkin. Meniń oımysha advokattar potsessýaldyq óndiristiń tolyq kepildigi bolmaǵandyqtan áleýmettik jelige shyǵyp jatady. Mine osyndaı máselelerge qaıta oralyp, qaraý kerek», - dedi Adam quqyqtary jónindegi ýákil.
