Elvın Demırchıev: Terrorǵa el bolyp toıtarys berý kerek

ÓSKEMEN. QazAqparat – Shyǵys Qazaqstan oblystyq Dostyq úıi ázerbaıjan etnomádenı birlestiginiń tóraǵasy Elvın Demırchıev halyqty birlikke shaqyrdy, dep habarlaıdy QazAqparat tilshisi.

«Elimizde beıbit túrde bastalǵan sherý destrýktıvti aǵymdaǵy lańkester men sodyrlar bastaǵan qarýlanǵan qaqtyǵysqa ulasty. Prezıdentimiz Qasym-Jomart Toqaev beıbit sherýde qoıylǵan talaptardyń bárin eskerip, ótkir áleýmettik-ekonomıkalyq máseleler boıynsha jedel sheshimder qabyldady. Biraq terrorıster memlekettik jáne jeke azamattardyń dúnıe-múlkine zalal keltirip, beıbit halyqqa qarsy qarý qoldandy», - dedi Elvın Demırchıev.

Onyń aıtýynsha, jastar arandatýshylardyń arbaýynan saq bolýy tıis. Terrorǵa el bolyp toıtarys berý kerek.

«Arandatý men destrýktıvti urandarǵa qaramastan zańǵa jáne óz elimizge degen adaldyqty saqtap qalý qajet. El Prezıdentiniń «Qazaqstan álem kartasyndaǵy egemen el retindegi qýatty memleketke aınaldy, ekonomıkamyz anaǵurlym qarqyndy damıdy, azamattarymyzdyń áleýmettik jaǵdaıy jaqsara túsedi» degen tujyrymymen tolyqtaı kelisemiz. Kúshimiz – birlikte!», - dedi ázerbaıjan etnomádenı birlestiginiń tóraǵasy.