El úmitin arqalaǵan M.Muqasheva Máskeýdegi álem chempıonatynda júldesiz qaldy
ASTANA. 15 tamyz. QazAqparat - Qazaqstandyq sportshy Margarıta Muqasheva Máskeýde ótip jatqan jeńil atletıkadan álem chempıonatynda 800 metrge júgirýde jartylaı fınalǵa óte almady,
dep habarlaıdy, Vesti.kz tilshisi.
27 jastaǵy qazaqstandyq sportshy óz tobynda 2 mınýt 2,6 sekýnd nátıjemen 7-shi orynǵa taban tiredi. Al bul topta amerıkandyq Brend Martınez 800 metrdi 1 mınýt 59,39 sekýndta júgirip ótip, úzdik nátıje kórsettti.
Aıta keterligi, M.Muqasheva bıylǵy ýnıversıada oıyndary barysynda 800 metrdi 1 mınýt 58,96 sekýndta júgirip ótken bolatyn.
Esterińizge sala keteıik, jeńil atletıkadan XIV álem chempıonaty Máskeýdegi "Lýjnıkı" stadıonynda ótýde. 10 tamyzda bastalǵan jarystar 18 tamyzda aıaqtalady.
