El turǵyndarynan 215 mln teńge jınap alǵan qarjy pıramıdasynyń basshylaryna sot úkimi shyqty

ASTANA. QazAqparat - Astana qalasynda qarjy (ınvestıtsııalyq) pıramıdasyn qurý jáne basqarý faktisi boıynsha «Sincere Systems» JShS basshylyǵyna qatysty sot úkimi shyqty, dep habarlaıdy QazAqparat QR Qarjylyq monıtorıng agenttiginiń baspasóz qyzmetine silteme jasap.

Baspasóz qyzmetiniń málimtterine qaraǵanda, atalǵan JShS 2020 jyldan beri jumys istep keledi jáne krıptovalıýta bırjalarymen yntymaqtasatyn kompanııanyń atyn jamylyp, azamattardan qarajat jınap keldi.

Salymshylardyń sanyn kóbeıtý úshin oıdan shyǵarylǵan jobalarǵa ınvestıtsııa salý múmkindigi qarastyryldy.

Klıentti ınvestıtsııanyń qaýipsiz ekendigine sendirý úshin ID berý arqyly klıenttiń jeke kabıneti tirkelgen, salymǵa teń vırtýaldy qarajatpen tolyqtyrý múmkindigi bar veb-saıt quryldy.

Azamattardan jınalǵan qarajat kólemi 215 mln teńgeni qurady.

Sot úkimimen «Sincere Systems» JShS basshysy 5 jylǵa ınvestıtsııalyq qyzmetpen aınalysýǵa tyıym salynyp, 6 jylǵa shartty túrde bas bostandyǵynan aıyryldy.