El turǵyndaryna burqasyn, tuman, kóktaıǵaqqa qatysty eskertý jasaldy

ASTANA. KAZINFORM — 17 jeltoqsan kúni elordada jáne Qazaqstannyń 17 oblysy boıynsha qolaısyz aýa raıyna qatysty eskertý jarııalandy, dep habarlaıdy Kazinform agenttigi «Qazgıdrometke» silteme jasap.

Batys Qazaqstan oblysynyń batysynda, soltústiginde, shyǵysynda qar, jaıaý burqasyn kútiledi. Jel ońtústik-batystan soǵady, kúndiz oblystyń batysynda, soltústiginde, shyǵysynda ekpini 15-20 m/s deıin jetedi. Oralda kúndiz qar jaýyp, jaıaý burqasyn bolady. Jel ońtústik-batystan soǵady, kúndiz ekpini 15-20 m/s.

Almaty oblysynyń ońtústiginde, taýly aýdandarynda tańerteń jáne kúndiz kóktaıǵaq bolyp, tuman túsedi. Almatyda kúndiz kóktaıǵaq, tuman kútiledi. Qonaevta tańerteń jáne kúndiz kóktaıǵaq bolyp, tuman basady.

Jambyl oblysynyń taýly aýdandarynda qar, keı ýaqytta qatty qar, jaıaý burqasyn kútiledi. Sonymen qatar keı ýaqytta tuman túsip, kóktaıǵaq bolady. Soltústik-batystan jel soǵady, oblystyń taýly aýdandarynda 15-20 m/s deıin barady. Tarazda keı ýaqytta tuman basyp, kóktaıǵaq kútiledi.

Atyraý oblysynyń ońtústiginde, shyǵysynda túnde jáne tańerteń tuman túsedi.

Mańǵystaý oblysynyń soltústigin jáne ortalyǵyn tuman basady. Oblystyń soltústik-shyǵysynda kóktaıǵaq saqtalady.

Aqmola oblysynda túnde qar jaýyp, burqasyn bolady, sondaı-aq kúndiz oblystyń batysynda, shyǵysynda, ońtústiginde qar, burqasyn kútiledi. Joldar kóktaıǵaq bolady. Batystan, ońtústik-batystan jel soǵady, oblystyń soltústiginde, ońtústiginde, shyǵysynda ekpini 15-20 m/s jetedi. Kókshetaýda túnde qar, burqasyn kútiledi. Joldarda kóktaıǵaq kútiledi. Batystan, ońtústik-batystan jel soǵady, túnde ekpini 15-18 m/s deıin jetýi múmkin.

Aqtóbe oblysynyń batysynda, soltústiginde, shyǵysynda tuman túsedi.

Abaı oblysynyń batysynda, soltústiginde, shyǵysynda túnde qar jaýyp, jaıaý burqasyn bolady, sonymen qosa kúndiz oblystyń shyǵysynda, ońtústiginde, ortalyǵynda qar, jaıaý burqasyn kútiledi. Túnde jáne tańerteń oblystyń shyǵysynda, ońtústiginde tuman túsedi. Ońtústik-batystan soǵatyn jel soltústik-batysqa aýysady, oblystyń batysynda, soltústiginde, ortalyǵynda 15-20 m/s deıin jetedi. Semeıde túnde jáne tańerteń qar jaýyp, jaıaý burqasyn kútiledi. Ońtústik-batystan soǵatyn jel soltústik-batysqa aýysady, túnde jáne tańerteń ekpini 15-20 m/s deıin jetedi.

Shyǵys Qazaqstan oblysynyń batysynda, soltústiginde, shyǵysynda túnde qar borap, jaıaý burqasyn bolady, kúndiz qar, jaıaý burqasyn kútiledi. Oblystyń soltústiginde, shyǵysynda keı ýaqytta qatty qar jaýýy múmkin. Túnde jáne tańerteń oblystyń soltústiginde, ońtústiginde tuman kútiledi. Ońtústik-batystan soǵatyn jel soltústik-batysqa aýysady, oblystyń soltústiginde, shyǵysynda, ońtústiginde 15-20 m/s deıin jetedi. Óskemende qar jaýyp, jaıaý burqasyn bolady. Ońtústik-batystan soǵatyn jel soltústik-batysqa aýysady, tańerteń jáne kúndiz ekpini 15-20 m/s deıin jetýi yqtımal.

Pavlodar oblysynyń batysynda, soltústiginde, shyǵysynda túnde qar borap, jaıaý burqasyn bolady. Kúndiz oblystyń ońtústiginde, shyǵysynda azdaǵan qar jaýyp, jaıaý burqasyn kútiledi. Ońtústik-batystan jel soǵady, oblystyń batysynda, ońtústiginde ekpini 15-20 m/s.

Jetisý oblysynyń ońtústiginde, shyǵysynda, ortalyǵynda, taýly aýdandarynda túnde jáne tańerteń tuman, kóktaıǵaq kútiledi. Soltústik-batystan jel soǵady, oblystyń shyǵysynda ekpini 15-20 m/s deıin jetedi. Taldyqorǵanda túnde jáne tańerteń keı ýaqytta tuman túsedi.

Qostanaı oblysynyń soltústiginde, shyǵysynda túnde azdaǵan qar jaýyp, jaıaý burqasyn bolady. Kúndiz oblystyń batysynda, soltústiginde, shyǵysynda azdaǵan qar túsip, jaıaý burqasyn kútiledi. Oblystyń ońtústigin tuman basady. Batystan, ońtústik-batystan jel soǵady, oblystyń soltústiginde, shyǵysynda ekpini 15-20 m/s.

Soltústik Qazaqstan oblysynyń batysynda, ońtústiginde, shyǵysynda túnde qar jaýyp, jaıaý burqasyn kútiledi. Ońtústik-batystan, batystan jel soǵady, túnde oblystyń ońtústik-shyǵysynda ekpini 15-20 m/s deıin barady.

Ulytaý oblysynyń soltústiginde, shyǵysynda túnde azdaǵan qar jaýyp, jaıaý burqasyn bolady. Batystan, ońtústik-batystan jel soǵady, túnde oblystyń shyǵysynda ekpini 15-20 m/s.

Qaraǵandy oblysynyń batysynda, soltústiginde, shyǵysynda túnde qar borap, jaıaý burqasyn bolady. Kúndiz oblystyń soltústiginde, shyǵysynda azdaǵan qar jaýyp, jaıaý burqasyn kútiledi. Ońtústik-batystan, batystan jel soǵady, túnde jáne tańerteń oblystyń batysynda, soltústiginde, shyǵysynda ekpini 15-20 m/s deıin jetýi yqtımal. Qaraǵandyda túnde qar jaýyp, jaıaý burqasyn kútiledi. Ońtústik-batystan jel soǵady, túnde ekpini 15-20 m/s deıin jetedi.

Túrkistan oblysynyń taýly aýdandarda kúnniń sońyna qaraı qatty jaýyn-shashyn (jańbyr, qar) jaýady. Oblystyń ońtústiginde, taýly aýdandarynda kóktaıǵaq bolady. Oblystyń ońtústiginde, batysynda, taýly aýdandarynda tuman túsedi. Soltústik-shyǵystan jel soǵady, kúndiz oblystyń taý asýlarynda 15-20 m/s deıin jetedi. Shymkentti keı ýaqytta tuman basýy múmkin. Túrkistanda keı ýaqytta tuman kútiledi.

Qyzylorda oblysynyń ortalyǵynda tuman túsedi. Qyzylordada keı ýaqytta tuman basýy yqtımal.

Astanada keı ýaqytta qar jaýyp, jaıaý burqasyn bolady. Sondaı-aq joldarda kóktaıǵaq kútiledi. Batystan, ońtústik-batystan jel soǵady. Túnde jáne tańerteń ekpini 15-18 m/s deıin jetedi.

Budan buryn habarlanǵandaı, erteń Astanada birinshi aýysymnyń 0-6 synyp oqýshylary qashyqtan oqıtyny anyqtaldy.